რადას დეპუტატი - IRI-ის გამოკითხვით, პოლონეთის, ბრიტანეთისა და აშშ-ს შემდეგ უკრაინას ომის დროს ყველაზე მეტად საქართველო დაეხმარა - ამ გამოკითხვის შედეგები გააგრძელებს ქართველი ხალხის შთაგონებას, მხარი დაუჭიროს უკრაინას

უკრაინის მოსახლეობამ ქვეყნებს შორის, რომლებიც რუსეთის შეიარაღებული აგრესიის დროს ყველაზე მეტად დაეხმარნენ ქვეყანას საქართველო პოლონეთის, ბრიტანეთისა და აშშ-ის შემდეგ მეოთხე ადგილზე დაასახელა, - ამის შესახებ უკრაინის უმაღლესი რადას დეპუტატმა იულია ოვჩინიკოვამ „ინტერპრესნიუსისთვის“ მიცემულ ექსკლუზიურ ინტერვიუში განაცხადა, სადაც აღნიშნა, რომ საერთაშორისო რესპუბლიკური ინსტიტუტის (IRI) შესაბამისი კვლევა მალე გამოქვეყნდება.

ამასთანავე, ოვჩინიკოვას თქმით, უკრაინა მადლიერია იმ მხარდაჭრის, რომელიც ცოტა ხნის წინ უკრაინაში ვიზიტით მყოფმა საქართველოს ხელისუფლების წევრებმა გამოხატეს.

„ჩვენ მოხარულები ვიყავით მიგვეღო საქართველოს სპიკერები უკრაინაში და მადლიერები ვართ მათი მხარდაჭერისთვის. საქართველოსა და უკრაინის მოსახლეობა ყოველთვის უჭერდა მხარს ერთმანეთს, ეს აბსოლუტური სიმართლეა. ასევე, მინდა გაგიზიაროთ საერთაშორისო რესპუბლიკური ინსტიტუტის (IRI) კვლევა, რომელიც სავარაუდოდ, მალე გამოქვეყნდება. ის უკრაინის მოსახლეობას შორის ჩატარდა. კითხვა შემდეგნაირად იყო დასმული: თქვენი აზრით, რომელი ქვეყანა ან საერთაშორისო ორგანიზაცია დაეხმარა უკრაინას ყველაზე მეტად სამხედრო აგრესიის დროს? და იცით, რა არის ამ გამოკითხვის შედეგი ?! გამოკითხვის თანახმად, პირველი ადგილი დაიკავა პოლონეთმა, მეორე ადგილი - დიდმა ბრიტანეთმა, მესამე ადგილი - შეერთებულმა შტატებმა და მეოთხე ადგილი დაიკავა საქართველომ. ამ გამოკითხვამ აჩვენა უკარინელი ხალხის რწმენა საქართველოსადმი. ვფიქრობ, სულ მცირე, ამ გამოკითხვის შედეგები გააგრძელებს ქართველი ხალხის შთაგონებას, მხარი დაუჭიროს უკრაინას. მჯერა, რომ ხალხს ყოველთვის შეუძლია გავლენა მოახდინოს ხელისუფლების, პარლამენტისა და პრეზიდენტის პოზიციაზე და განსაზღვროს ქვეყნის განვითარების ვექტორი“,- განაცხადა რადას დეპუტატმა.

ინტერვიუს სრული ვერსია იხილეთ ბმულზე:

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა