საქართველოში ლიეტუვის ელჩის ანდრიუს კალინდრას განცხადებით, მესამე პრეზიდენტის მიხეილ სააკაშვილის ჯანმრთელობის მდგომარეობასთან დაკავშირებით აქტიური მუშაობაა საჭირო და საქართველოს მთავრობამ უნდა დაინახოს, რომ ნამდვილად შემაშფოთებელი სიტუაციაა და გადაწყვეტილება მხოლოდ მათზეა.
როგორც კალინდრამ აღნიშნა, ყველა საჭირო ნაბიჯი უნდა გადაიდგას, სანამ პროცესი შეუქცევადი გახდება.
„რა თქმა უნდა, მესამე პრეზიდენტის დატყვევების და მისი ჯანმრთელობის მდგომარეობის შესახებ ძალიან მნიშვნელოვანია აქტიურად ვიმუშაოთ, რომ არ დაგვაგვიანდეს. არ უნდა დაგვაგვიანდეს და ეს, რა თქმა უნდა, ჩვენს დღის წესრიგშია.
აქტიურად ვადევნებთ თვალს პროცესების განვითარებას. შეშფოთებული ვართ, ჩვენი საგარეო საქმეთა კომიტეტიც ძალიან შეშფოთებულია მესამე პრეზიდენტის ჯანმრთელობის მდგომარეობით. არავის არ სურს, რომ ყოფილი ლიდერები ციხეში იყვნენ. ჩვენ მისი ღირსება და ჯანმრთელობა უნდა დავიცვათ. საჭიროება არსებობს, რომ მას სამედიცინო სერვისები მივაწოდოთ, რათა გადარჩეს. ეს ძალიან აქტიურად განიხილება ვილნიუსში, აქტიურად ვადევნებთ თვალს ამ საკითხს და რა თქმა უნდა, უნდა გავიღოთ ძალისხმევა, რომ სიტუაციიდან გამოსავალი მოიძებნოს და საქართველოს მთავრობამ დაინახოს, რომ ნამდვილად შემაშფოთებელი სიტუაციაა, მაგრამ გადაწყვეტილება მხოლოდ მათზეა.
ჩვენი პარლამენტარები ნოემბერში შეხვდნენ პოლიტიკოსებს. მათ განიხილეს სააკაშვილის საქმე და ეს საკითხი განხილულია ძალიან ხშირად მაღალი დონის შეხვედრებზე. საგარეო საქმეთა კომიტეტი გვაქვს, რომელიც აქტიურად განიხილავს ამ საკითხს და ჩვენ ვთვლით, რომ ეს გახლავთ რუსეთის შესაძლებლობა მანიპულირება მოახდინოს საქართველოს შიგნიდან და გაზარდოს თავისი ზეგავლენა საქართველოზე.
ჩვენ ვფიქრობთ, ყველა საჭირო ნაბიჯი უნდა გადაიდგას, სანამ გვიანი იქნება და შეუქცევად პროცესებამდე არ მივა“,- განაცხადა ანდრიუს კალინდრამ, რომლის ინტერვიუსა და სინქრონულ თარგმანსაც ტელეკომპანია „ფორმულა“ ავრცელებს.