ბრიტანეთის ელჩი - მიუხედავად იმისა, რომ საქართველო მოწყვლადია და მის ტერიტორიაზე რუსი სამხედროები იმყოფებიან, ამ წუთას რაიმე გარდაუვალი საფრთხის შესახებ მინიშნებები მე არ მინახავს

მიუხედავად იმისა, რომ საქართველო მოწყვლადია და მის ტერიტორიაზე რუსი სამხედროები იმყოფებიან, ამ წუთას რაიმე გარდაუვალი საფრთხის შესახებ მინიშნებები მე არ მინახავს, - ამის შესახებ დიდი ბრიტანეთის ელჩმა საქართველოში, მარკ კლეიტონმა „ინტერპრესნიუსთან“ ექსკლუზიურ ინტერვიუში განაცხადა, როდესაც უპასუხა კითხვას -აქვთ თუ არა ბრიტანეთის სადაზვერვო სამსახურებს რაიმე ინფორმაცია საქართველოში რუსეთის მიერ დაგეგმილი პროვოკაციების შესახებ ან იმ გეგმების თაობაზე, რომ რუსეთი ხელახლა აპირებს ამ ქვეყანაში შემოჭრას.

„სადაზვერვო ინფორმაციების დეტალებში არ შევალ, მაგრამ ვიტყვი, რომ ყველამ კარგად იცის, რომ საქართველო რუსეთის მხრიდან ზეწოლას განიცდის. ამის ნათელი მაგალითია, ის რომ საქართველოს ტერიტორიაზე უკანონოდ იმყოფება ათასობით რუსი ჯარისკაცი. ეს ჩვენთვის არის მიუღებელია. ეს არ არის ის, რაც საერთაშორისო საზოგადოებისთვის არის მისაღები. საქართველოს დამოუკიდებლობის აღდგენის შემდეგ, დიდი ბრიტანეთი აბსოლუტურად მტკიცე და თანმიმდევრულია თავის პოზიციებში. ჩვენ მტკიცედ ვუჭერთ მხარს საქართველოს სუვერენიტეტსა და ტერიტორიულ მთლიანობას“, - აღნიშნა კლეიტონმა.

დიდი ბრიტანეთის ელჩის განცხადებით, ევროკავშირის სადამკვირვებლო მისია ძალიან კარგად აკონტროლებს სიტუაციას ადმინისტრაციულ სასაზღვრო ხაზებთან და მის ირგვლივ და იდენტიფიცირებას ახდენს.

„ცხადია, რომ რუსეთი აგრძელებს ზეწოლას და საფრთხეს უქმნის საქართველოს. ბოლო წლების განმავლობაში ჩვენ ვხედავთ კიბერშეტევების გაძლიერებას, დეზინფორმაციის მომძლავრების, მუდმივი ავტორიზაციის მცდელობებს, ადმინისტრაციულ საზღვრებთან საქართველოს მოქალაქეების უკანონო დაკავებებს და სხვა მოქმედებებს. დიდი ბრიტანეთი მუშაობს საქართველოსთან ერთად, რათა ებრძოლოს და დაუპირისპირდეს ამ ყველაფერს, რა თქმა უნდა, ჩვენს სხვა პარტნიორებთან და მოკავშირეებთან ერთად“, - დასძინა კლეიტონმა.

ინტერვიუს სრული ვერსია იხილეთ ბმულზე.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს