უპირველეს ყოვლისა ვულოცავ ყველა ევროპელს, მათ შორის ყოველ ქართველს „ევროპის დღეს“. „ევროპის დღე“ არის იმ ღირებულებების დღესასწაული, რასაც ევროკავშირი ეფუძნება, - ამის შესახებ ევროკავშირის ელჩმა საქართველოში, კარლ ჰარცელმა განაცხადა.
„რა თქმა უნდა წლევანდელი „ევროპის დღე“ იმართება საშინელი ომის ჩრდილში, რომელიც გააჩაღეს უკრაინის წინააღმდეგ, რასაც ჩვენ ერთად დგომით ვუპირისპირდებით. სოლიდარობას ვუცხადებთ უკრაინას იმ ღირებულებებსა და პრინციპებზე დაყრდნობით, რომელიც ევროკავშირი ეფუძნება.
მე მოუთმენლად ველი პრეზიდენტთან, პარლამენტის თავმჯდომარესთან, თბილისის მერთან, დიპლომატიური კორპუსის წარმომადგენლებთან და სხვებთან შეხვედრას, რომლებიც ამ დღეს ჩვენთან ერთად ზეიმობენ. ევროპის დღეები არა მხოლოდ ჩვენ გვეხება, ეხება პარტნიორობას, რომელიც არსებობს ევროკავშირსა და საქართველოს შორის და იმას, საითკენ სვლასაც ვაგრძელებთ“, - აღნიშნა ელჩმა.