ანა ბუჩუკურის შეფასებით, მიხეილ სააკაშვილის პირადი თავდებობით გათავისუფლების ინიციატივა თავშივე მარცხისთვის არის განწირული

პარლამენტის ოპოზიციონერი წევრის ანა ბუჩუკურის შეფასებით, მიხეილ სააკაშვილის პირადი თავდებობით გათავისუფლების ინიციატივა თავშივე მარცხისთვის არის განწირული.

როგორც მან ამ კონტექსტში აღნიშნა, კანონი თავდებობით არა მსჯავრდებულების, არამედ ბრალდებულთა გათავისუფლებას ითვალისწინებს და "ქართული ოცნება" უარის თქმის მიზნით სწორედ კანონს მოიშველიებს.

"ხელისუფლებამ მიხეილ სააკაშვილის ჯანმრთელობის უზრუნველსაყოფად ყველაფერი უნდა გააკეთოს. საუბარია მის პირად თავდებობაზე, რაც არის აღკვეთის ღონისძიების სახე, რომელიც გამოიყენება არა მსჯავრდებულის, არამედ ბრალდებულის სტატუსის მქონე პირის მიმართ. მიხეილ სააკაშვილს ბრალდებულის სტატუსი რამდენიმე საქმეზე აქვს, მაგრამ მსჯავრდებულის სტატუსიც აქვს. შესაბამისად, “ქართული ოცნება” პირდაპირ კანონს მოიშველიებს და იტყვის, რომ კანონმდებლობით ამ ინიციატივის განხორციელება შეუძლებელია, რადგან მსჯავრდებულია", - განაცხადა ანა ბუჩუკურმა.

როგორც "ნაციონალურ მოძრაობაში“ აცხადებენ, საკანონმდებლო ორგანოს მიმართავენ და მიხეილ სააკაშვილს თავდებში უდგებიან, თუკი ხელისუფლება სააკაშვილის საზღვარგარეთ გადაყვანას დათანხმდება, მკურნალობის შემდეგ დაბრუნდება საქართველოში და სასამართლოს წინაშე წარსდგება.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო