არმაზ ახვლედიანი კოლეგებს სპეციალური ჯგუფის შექმნას სთავაზობს, რომლის ფარგლებშიც დეპუტატები ქვეყნისთვის ყველაზე მნიშვნელოვან საკითხებზე იმსჯელებენ

პარლამენტის ოპოზიციონერი წევრი არმაზ ახვლედიანი კოლეგებს სპეციალური ჯგუფის შექმნას სთავაზობს, რომლის ფარგლებშიც დეპუტატები ქვეყნისთვის ყველაზე მნიშვნელოვან საკითხებზე იმსჯელებენ.

მისი თქმით, მნიშვნელოვანი იქნება თუკი პროცესში საზოგადოების წარმომადგენლებიც ჩაერთვებიან.

„გთავაზობთ, ვიფიქროთ იმაზე, რომ პარლამენტში შევქმნათ ჯგუფი, დაკომპლექტებული უმრავლესობის და ოპოზიციის წარმომადგენლობით, სადაც ვიმსჯელებდით იმ თემებზე, რაზეც საუბარს საპარლამენტო რეგლამენტის თუ სხვა პროცედურების გამო ვერ ვახერხებთ. შესაძლოა კამერების თვალწინ ეს არ გამოგვდის. შეიქმნას ასეთი ჯგუფი და განვსაზღვროთ რამდენიმე, ყველაზე არსებითი საკითხი დღევანდელი საქართველოსთვის. აქ არაერთ საკითხზე უკვე იყო საუბარი ორივე მხრიდან - იქნება ეს უკრაინასთან პოზიციონირება, ევროკავშირის კითხვარი, შეერთებულ შტატებთან სტრატეგიული თანამშრომლობა, მიხეილ სააკაშვილის ჯანმრთელობის მდგომარეობა თუ მრავალი სხვა.

ვფიქრობ, საბოლოო ჯამში, ამ ჩვენი მსჯელობის ერთ-ერთი მთავარი აზრი, მიზანი, ამოცანა უნდა იყოს ის, რომ ამ სხვადასხვა თემის განხილვის და შესაძლოა კონსენსუსის პოვნით, მოვახერხოთ და ვიპოვოთ კონსენსუსი უმთავრეს საკითხზე, რის გამოც არის ფაქტობრივად ძალიან დიდი უნდობლობა ჩვენი საზოგადოებისა პოლიტიკის, პოლიტიკოსების, თქვენს მიმართ, ჩვენს მიმართ, ყველას მიმართ, იმიტომ, რომ ეს სივრცე დავაბინძურეთ - ისე დავაბინძურეთ, რომ ფაქტობრივად აღარც ექვემდებარება გასუფთავებას, გაწმენდას. ჩვენ ვისაუბრებდით და უმთავრეს ამოცანად ჯგუფისთვის ამას ვხედავ - როგორ შევქმნათ რეალურად და არა მხოლოდ სიტყვით და სხვადასხვა ჩანაწერით კანონმდებლობაში, გარემო, როცა მომდევნო არჩევნების შედეგს საქართველოს საზოგადოება ცნობს. ცნობს ნებაყოფლობით, ძალდატანების გარეშე, ცნობს იმიტომ, რომ წინასაარჩევნო პერიოდი იქნება ნორმალური, მეტნაკლებად დემოკრატიული და სამართლიანი მაინც პირველ ჯერზე. თუ ჩვენ ამას ვერ მოვახერხებთ, ერთ დღეს შეიძლება ისეთ კრიზისში აღმოვჩნდეთ, რომ ყველა საუბარი იყოს გვიან“, - განაცხადა არმაზ ახვლედიანმა პარლამენტის პლენარულ სხდომაზე.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა