ლევან ბეჟაშვილი - იუსტიციის სამინისტროს პასუხი დადასტურებაა, რომ სისტემამ გადაწყვიტა მაქსიმალური ზიანი მიაყენოს სააკაშვილის ჯანმრთელობას - მოვუწოდებთ ოპოზიციონერ წევრებს, შემოუერთდნენ ამ პოლიტიკურ თავდებობას

იუსტიციის სამინისტროს განცხადება და პასუხი არის ნათელი დადასტურება, რომ სისტემამ გადაწყვიტა მაქსიმალური ზიანი მიაყენოს მიხეილ სააკაშვილის ჯანმრთელობას, არ უზრუნველყოს ელემენტარული სამედიცინო მომსახურებით, - ასე ეხმიანება „ნაციონალური მოძრაობის" დეპუტატი ლევან ბეჟაშვილი იუსტიციის სამინისტროს განცხადებას, სადაც უწყება მიხეილ სააკაშვილს მოუწოდებს ისარგებლოს შეთავაზებული სამედიცინო მომსახურებით დათქმების გარეშე.

ბეჟაშვილმა ასევე ისაუბრა თავდებობის საკითხზე და განმარტა, რომ თავდებში ჩადგომა ესაა არა სამართლებრივი, არამედ პოლიტიკური აქტი, რომლითაც დეპუტატები იღებენ როგორც პოლიტიკურ, ასევე სამართლებრივ პასუხისმგებლობას.

"ეს არის სწორედ არაადამიანური მოპყრობა, წამებასთან გათანაბრებული მოპყრობა, როცა ადამიანს არ აქვს საშუალება შეხვდეს პირად ექიმს, დარწმუნდეს, რომ მკურნალობა, რომელსაც უტარებენ, რელევანტურია და საერთაშორისო ექსპერტებს არ აძლევენ საშუალებას აკრედიტაცია გაიარონ, დიაგნოზი დაუსვან მიხეილ სააკაშვილს და განსაზღვრონ არის თუ არა ქვეყანაში იმის საშუალება, რომ აქ მოხდეს მისი მკურნალობა თუ გადაყვანა.

პარლამენტის წევრების თავდებობა ეს არ არის სამართლებრივი საკითხი, ესაა პოლიტიკური აქტი, სადაც პარლამენტის წევრები უმცირესობიდან გამოხატავენ თავის პოზიციას და სახელმწიფოს, იუსტიციის სამინისტროს მოუწოდებენ მოახდინოს მიხეილ სააკაშვილის გადაყვანა ჯანმრთელობის მდგომარეობის გამოსწორების მიზნით და თუ ეს რაიმე სახით შესაძლო უკანონობასთან იქნება დაკავშირებული, პარლამენტის წევრები იღებენ პოლიტიკურ და სამართლებრივ პასუხისმგებლობას ამისათვის. მოვუწოდებთ პარლამენტის ყველა ოპოზიციონერ წევრს, შემოუერთდნენ ამ პოლიტიკურ თავდებობას, თუმცა, ვიცით იუსტიციის სამინისტროს პოზიცია ამ საკითხთან დაკავშირებით",- განაცხადა ბეჟაშვილმა.

შეგახსენებთ, რომ იუსტიციის სამინისტრო ყოფილი პრეზიდენტის მიხეილ სააკაშვილის მიერ დასახელებულ პირობებს პასუხობს და განმარტავს, რომ მასთან „მნახველების დაშვება უზრუნველყოფილი იქნება კანონმდებლობის და სამედიცინო პერსონალის რეკომენდაციების შესაბამისად“.

უწყება კიდევ ერთხელ მოუწოდებს მიხეილ სააკაშვილს, „ისარგებლოს მისი ჯანმრთელობის დაცვისკენ მიმართული, შეთავაზებული სამედიცინო მომსახურებით დათქმების გარეშე“.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 02.02.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება