პორტუგალიისა და საქართველოს საგარეო საქმეთა მინისტრები ორმხრივი თანამშრომლობის და საქართველოს ევროპული ინტეგრაციის პროცესში მჭიდრო თანამშრომლობაზე შეთანხმდნენ

საქართველოს საგარეო საქმეთა მინისტრი, ISIS-ის წინააღმდეგ ბრძოლის კოალიციის მინისტერიალის ფარგლებში, პორტუგალიელ კოლეგას, ჟოაო გომეშ კრავინიოს შეხვდა.

საქართველოს საგარეო საქმეთა სამინისტროს ინფორმაციით, მინისტრებმა ქვეყნებს შორის არსებული ტრადიციულად მეგობრული თანამშრომლობა მიმოიხილეს. ასევე, მზაობა გამოთქვეს, საქართველოსა და პორტუგალიას შორის პოლიტიკური დიალოგის გააქტიურების და სხვადასხვა სფეროში ურთიერთობების გაღრმავებისთვის იმუშაონ, მათ შორის, საქართველოს ევროპული ინტეგრაციის პროცესში, რომლის მიმართაც შეხვედრაზე პორტუგალიის სრული მხარდაჭერა კიდევ ერთხელ დაადასტურა.

„საქართველოს ევროპული და ევრო-ატლანტიკური ინტეგრაციის პროცესზე საუბრისას საქართველოს პროგრესს ამ გზაზე, მათ შორის, ევროკავშირში წევრობის განაცხადის გაკეთებასა და შესაბამისი თვითშეფასების კითხვარის შევსებას მაღალი შეფასება მიეცა. ევროკავშირის მხრიდან ასოცირებული ქვეყნების ინტერესების შესაბამისი გადაწყვეტილების მიღების აუცილებლობა აღინიშნა.

პორტუგალიის მხრიდან საქართველოს სუვერენიტეტისა და ტერიტორიული მთლიანობის მიმართ მხარდაჭერა კიდევ ერთხელ გამოიხატა. პორტუგალიასთან ლუზოფონური ქვეყნების გაერთიანების ფარგლებში საქართველოს აქტიურ თანამშრომლობას, ასევე შესაბამისი ორგანიზაციის საქმიანობაში საქართველოს ჩართულობას მაღალი შეფასება მიეცა.

მინისტრებმა ასევე ქვეყნებს შორის დიპლომატიური ურთიერთობების დამყარების 30 წლის იუბილეზე ისაუბრეს. აღინიშნა, რომ საიუბილეო თარიღი თანამშრომლობის ახალ ეტაპზე გადასვლისთვის კარგი შესაძლებლობა, მათ შორის, ისეთ სფეროებში, როგორიც არის ეკონომიკა, კულტურა და ხალხთაშორისი კონტაქტები.

მინისტრები შეთანხმდნენ, ქვეყნებს შორის მაღალი დონის კავშირების ურთიერთგაცვლას ხელი შეუწყონ. პორტუგალიელმა კოლეგამ ილია დარჩიაშვილი ლისაბონში ვიზიტით მიიწვია“, - აღნიშნულია გავრცელებულ ინფორმაციაში.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო