ამ საქმეზე ვერდიქტი არ მომისმენია. შესაბამისად ჰიპოტეტურ პასუხს ვერ გაგცემთ, - ამის შესახებ შეერთებული შტატების ელჩმა საქართველოში კელი დეგნანმა ტელეკომპანია „მთავარი არხის“ გენერალური დირექტორის ნიკა გვარამიას დღევანდელ სასამართლო პროცესთან დაკავშირებით ჟურნალისტებს განუცხადა.
მისი თქმით, მნიშვნელოვანია, რომ ასეთი ტიპის სამართლებრივი საქმეები ისე გადაწყდეს, რომ თავიდან იყოს აცილებული პოლიტიკური ჩარევა.
„ბევრჯერ გვითქვამს, რომ მნიშვნელოვანია ასეთი ტიპის სამართლებრივი საქმეები ისე გადაწყდეს, რომ თავიდან იყოს აცილებული ინტერესთა კონფლიქტი ან პოლიტიკური ჩარევა. ფუნდამენტურია, რომ საზოგადოებას ნდობა ჰქონდეს, რაც არ უნდა განაჩენი დადგეს“ , - აღნიშნა აშშ-ის ელჩმა.