რომან გოცირიძე - ჯანდაცვის სისტემაში არსებული მდგომარეობა სავალალოა

ფრაქცია „ერთიანი ნაციონალური მოძრაობა" - გაერთიანებული ოპოზიცია „ძალა ერთობაშია" წევრმა, რომან გოცირიძემ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს ფსიქიატრიული ჯანმრთელობის პროგრამის დაფინანსების გაზრდის წინადადებით მიმართა და აღნიშნული დარგის მიმართ მეტი ყურადღების გამოჩენა ითხოვა.

„ზოგადად, რომ შევაფასოთ ჯანდაცვის სისტემაში არსებული მდგომარეობა, მე ვიტყოდი, რომ ეს არის სავალალო და ეს არა მხოლოდ ერთ სამინისტროს, არამედ ეს ეხება მთლიანად მთავრობის მუშაობას და ის უსუსურობა, არაკომპეტენტურობა, მუშაობის არა ეფექტიანობა, ბიუჯეტის ფლანგვა, ეს ყველაფერი გამოვლინდა მაშინ, როდესაც ქვეყანაში ექსტრემალური ვითარება გაჩნდა. კოვიდის შედეგებმა და მისმა შედარებამ სხვა ქვეყნებთან გვაჩვენა, რომ ძალიან ცუდად მუშაობს საქართველოს მთავრობა. მთავრობამ, პრემიერ-მინისტრმა, მისმა განცხადებამ, მინისტრების განცხადებებმა,

არათანმიმდევრულობამ, ჯარიმების საარჩევნოდ ჩამოწერამ ეს ყველაფერი აჩვენა. ვინ დააჯარიმეთ ბოლო ერთი წლის განმავლობაში? რატომ არსებობს კანონი თუ ის არ სრულდება? იგივე ნიღბები - რამდენს უკეთია ავტობუსებში? ამიტომ ეს ყველაფერი თითქოს პატარა, ცალკეული მაგალითია, მაგრამ ერთ რამეს აჩვენებს - ეს სახელმწიფო არასწორად იმართება", - განაცხადა რომან გოცირიძემ.

ოპოზიციონერმა დეპუტატმა საყოველთაო ჯანდაცვის პროგრამაც გააკრიტიკა და იგი უძირო ქვევრს შეადარა.

მისი განცხადებით, წლის ბოლომდე პროგრამისთვის გამოყოფილი თანხები იხარჯება და შემდეგ ხდება დამატებით თანხების მოძიება.

„არ ყოფილა ერთი შემთხვევაც კი, რომ ამ პროგრამას არ ქონოდა რამდენიმე მილიონიანი გარღვევა. წლის ბოლოს საიდან მოგაქვთ ეს ფული? და 35 მილიონი რა არის იცით? ეს არის დღეს ფსიქიატრიული ჯანმრთელობის პროგრამა. აქ რამდენჯერმე ახსენეს ეს პროგრამა და მისასალმებელია, რომ ამაზე ვსაუბრობთ. მთელი ფსიქიატრიული დარგი დაწყებული დიდი სტაციონარებით დამთავრებული პოლიკლინიკებით, ყველა ერთად არის ერთი საშუალო სიდიდის ევროპული, ჩეხური ან უნგრული კლინიკის ბიუჯეტი. მცირედი მატებაა ყოველ წელს, მაგრამ ეს არაფერია. 35 მილიონი ერთბაშად უნდა დაუმატოთ. ამიტომ, როდესაც მოდიხართ ახალი მინისტრი, ადექით და ერთი საქმე დატოვეთ. როცა მინისტრი წავა არავის არაფერი არ გაახსენდება ვინ რა გააკეთა, მაგრამ თუ თუნდაც ამ ერთ პრობლემას მოუვლით, საშვილიშვილოდ ემახსოვრებით თქვენ. ჩემი მოწოდება იქნება, როდესაც მოხვალთ და ბიუჯეტს მოიტანთ, პატარა გარღვევა მაინც გააკეთეთ", - აღნიშნა რომან გოცირიძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა