რომან გოცირიძე - მეორდება ისტორია, რაც სააკაშვილის გორში გადაყვანის დროს იყო, ხდება ვითარების დაძაბვა - გრძელდება ფსიქოლოგიური ზეწოლა კრიმინალების მიერ, რომლებიც წინასწარ არიან გაფრთხილებული

ეს არ არის ის ატმოსფერო, სადაც შეიძლება ადამიანს უმკურნალო, პირველივე შესაძლებლობის შემთხვევაში, სამკურნალოდ უნდა იქნას გადაყვანილი საზღვარგარეთ - გავიხსენოთ იულია ტიმოშენკოს მაგალითი, იანუკოვიჩმაც კი ჰუმანური ნაბიჯი გადადგა, როცა გერმანიაში სამკურნალოდ გადაიყვანა ის,- ასე ეხმიანება „ნაციონალური მოძრაობის" დეპუტატი რომან გოცირიძე ჟურნალისტებთან მიხეილ სააკაშვილის „ვივა მედის" კლინიკაში გადაყვანას.

მისი თქმით, საქართველოში მიხეილ სააკაშვილის მკურნალობა შეუძლებელია, რადგან ეს არ სურს ხელისუფლებას.

„მეორდება ისტორია, რაც გორში გადაყვანის დროს იყო, ხდება ვითარების დაძაბვა, ხელოვნურად ისეთი ფსიქოლოგიური ატმოსფეროს შექმნა, რაც ხელს არ უწყობს ადამიანის ჯანმრთელობას. „ვივა მედში" გადაყვანა არის პირველი ეტაპი, რომელმაც ელემენტარულად უნდა აღადგინოს მიხეილ სააკაშვილის ჯანმრთელობა, რათა შემდეგ საზღვარგარეთ სამკურნალოდ იქნას გადაყვანილი. საქართველოში მიხეილ სააკაშვილის მკურნალობა შეუძლებელია, არა იმიტომ, რომ ექიმები არ გვყავს, არამედ იმიტომ, რომ ეს არ უნდა ხელისუფლებას, ყოველდღიურად იქნება პროვოკაციები, თუნდაც ის, რასაც ახლა ჩვენ მანდ ვხედავთ. გრძელდება ფსიქოლოგიური ზეწოლა კრიმინალების მიერ, რომელიც წინასწარ არიან გაფრთხილებული, ტელევიზორი აქვთ იქ, თუ საიდან იცოდნენ, რომ გადაჰყავდათ, ხელისუფლების მიერ შეგულიანებული და მომართული ადამიანები ახდენენ ფსიქოლოგიურ ტერორს, გრძელდება ღირსების შემლახავი, შეურაცხმყოფელი მოპყრობა ისევე, როგორც ეს იყო გორის კლინიკაში, ციხეში,"- განაცხადა გოცირიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს