აშშ-სა და უკრაინის თავდაცვის მინისტრებმა, ლოიდ ოსტინმა და ალექსეი რეზნიკოვმა სატელეფონო საუბრის დროს აღმოსავლეთ უკრაინაში არსებული ვითარება განიხილეს, - ინფორმაციას აშშ-ის თავდაცვის მინისტრი „ტვიტერში“ ავრცელებს.

„დღეს კიდევ ერთი სატელეფონო საუბარი მქონდა ჩემს უკრაინელ კოლეგასთან, ალექსეი რეზნიკოვთან. განვიხილეთ სიტუაცია აღმოსავლეთ უკრაინაში და აშშ-სა და საერთაშორისო საზოგადოების მცდელობები უსაფრთხოების სფეროში დახმარება გაუწიონ უკრაინელებს იმისთვის, რომ მათ ჰქონდეთ საჭირო შესაძლებლობები რუსეთის აგრესიისთვის წინააღმდეგობის გასაგრძელებლად,“- წერს ოსტინი.

ცნობისათვის, მანამდე გავრცელდა ინფორმაცია, რომ „რესპუბლიკელმა“ სენატორმა რენდ პოლმა სენატში დაბლოკა კანონპროექტი უკრაინისთვის 40 მილიარდი აშშ დოლარის ღირებულების დახმარების პაკეტის გამოყოფის შესახებ.

იხილეთ ვიდეო:აშშ-სა და უკრაინის თავდაცვის მინისტრებმა ტელეფონით ისაუბრეს