ირაკლი ღარიბაშვილი რეგიონული ტურნეს ფარგლებში დღეს გურიას ეწვევა. მთავრობის მეთაური, მინისტრთა კაბინეტის წევრებთან ერთად, რეგიონში მის მიერ ინიცირებული პროგრამის „განახლებული რეგიონების“ ფარგლებში მიმდინარე სამუშაოებს და განხორციელებულ ინფრასტრუქტურულ პროექტებს გაეცნობა, ასევე ესტუმრება სახელმწიფო პროგრამებით დაფინანსებულ საწარმოებს.

მთავრობის მეთაური, 12:15 საათზე, ლანჩხუთის ცენტრში, “განახლებული რეგიონების“ პროგრამის ფარგლებში მიმდინარე სარეაბილიტაციო სამუშაოებს დაათვალიერებს.