არჩილ თალაკვაძე ჩეხეთის სენატის პირველ ვიცე-პრეზიდენტს შეხვდა

საქართველოს პარლამენტის ვიცე-სპიკერი არჩილ თალაკვაძე ჩეხეთის საპარლამენტო დელეგაციას შეხვდა, რომელსაც სენატის პირველი ვიცე-პრეზიდენტი, ირჟი რუსიცკა ხელმძღვანელობს.

პარლამენტის პრესსამსახურის ინფორმაციით, შეხვედრაზე მხარეებმა საქართველოსა და ჩეხეთს შორის არსებულ თანამშრომლობაზე, საქართველოს ევროინტეგრაციის პერსპექტივაზე, ოკუპაციასა და რეგიონში არსებულ ურთულეს გამოწვევებზე ისაუბრეს.

უწყების ცნობით, შეხვედრაზე აღინიშნა, რომ ივლისიდან ჩეხეთი ევროკავშირის თავმჯდომარე ქვეყანა ხდება. ვიცე-სპიკერმა ჩეხ კოლეგებს ევროინტეგრაციის პროცესში საქართველოს მხარდაჭერისთვის მადლობა გადაუხადა.

შეხვედრას საგარეო ურთიერთობათა კომიტეტის თავმჯდომარე ნიკოლოზ სამხარაძე და დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველი მოადგილე ეკა სეფაშვილი ესწრებოდნენ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია