ნიკოლოზ სამხარაძე - ჩემი ინფორმაციით, ირაკლი ღარიბაშვილთან შეხვედრის გაუქმების თუ გადადების მიზეზი არის სტოლტენბერგის ჯანმრთელობის მდგომარეობა

ჩემი ინფორმაციით, ირაკლი ღარიბაშვილთან შეხვედრის გაუქმების თუ გადადების მიზეზი არის ბატონი სტოლტენბერგის ჯანმრთელობის მდგომარეობა, - ამის შესახებ საგარეო ურთიერთობათა კომიტეტის თავმჯდომარე ნიკოლოზ სამხარაძემ ჟურნალისტებთან განაცხადა.

ამასთან, სამხარაძე გამორიცხავს შეხვედრა საქართველოში მიმდინარე პოლიტიკური მოვლენების გამო გაუქმებულიყო და აღნიშნავს, რომ გუშინ პრემიერს ჰქონდა ძალიან მაღალი დონის შეხვედრები ბრიუსელში.

„მოგეხსენებათ, მას ჰქონდა კოვიდი და ამის გამო ვერ მიიღო მონაწილეობა ძალიან მნიშვნელოვან შეხვედრებში წინა კვირაში და ამ კვირის დასაწყისშიც. ერთადერთი შეხვედრა, რომელიც სტოლტენბერგს ჰქონდა, ეს იყო ფინეთის და შვედეთის წარმომადგენლებთან, რომლებმაც ოფიციალურად შეიტანეს განაცხადი ნატო- ში წევრობაზე და ამ შეხვედრის გარდა, სხვა ყველა შეხვედრა გაუქმდა. ეს არის ინფორმაცია, რომელიც მე მაქვს ჩვენი საელჩოდან ბრიუსელში.

არანაირი შიდაპოლიტიკური მოვლენა ამ შეხვედრის გაუქმების მიზეზი არ შეიძლება რომ იყოს. შეხვედრა გაუქმდა მისი ჯანმრთელობის მდგომარეობის გამო,", - განაცხადა სამხარაძემ.

კითხვაზე, თუკი ჯანმრთელობის მდგომარეობაა მიზეზი, მაშინ როგორ მოახერხა სტოლტენბერგმა ფინეთსა და შვედეთთან შეხვედრის გამართვა, სამხარაძემ აღნიშნა, რომ ვერ შევა დეტალებში, როდის გახდა სტოლტენბერგი ცუდად.

„მე იქ ვიყავი ადგილზე? რა ინფორმაციაც მაქვს, ამას გეუბნებით, იქ ადგილზე გახდა ცუდად თუ დილით ყავის სმის დროს, არასერიოზულია (ასეთი მსჯელობა),"- განაცხადა სამხარაძემ.

საქართველოს პრემიერ-მინისტრს, ირაკლი ღარიბაშვილსა და ნატო-ს გენერალურ მდივანს, იენს სტოლტენბერგს შორის დღეს დაგეგმილი შეხვედრა გაუქმდა, - ამის შესახებ ინფორმაცია ალიანსის ვებ-გვერდზე გამოქვეყნდა.

„შეხვედრა გაუქმებულია,“- აღნიშნულია ინფორმაციაში.

ალიანსი სხვა დეტალების შესახებ ამ დროისთვის ინფორმაციას არ ავრცელებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია