ანტონიო გუტერეში - უკრაინის ომმა გლობალური სასურსათო კრიზისი გააღვივა, რომელიც, შეიძლება, წლების განმავლობაში გაგრძელდეს

გაერთიანებული ერების ორგანიზაციის განცხადებით, უკრაინაში მიმდინარე ომმა ხელი შეუწყო გლობალური სასურსათო კრიზისის გაღვივებას, რომელიც შეიძლება წლების განმავლობაში გაგრძელდეს, თუ ომი არ შეჩერდება.

ორგანიზაციის გენერალურმა მდივანმა, ანტონიო გუტერეშმა ნიუ-იორკში გლობალური სასურსათო უსაფრთხოების შესახებ გაერო-ს შეხვედრაზე საუბრისას განაცხადა, რომ ომის შედეგად გამოწვეული მარცვლეულისა და სასუქის დეფიციტის, ტემპერატურის დათბობისა და პანდემიით გამოწვეული მიწოდების პრობლემების გამო, „ათობით მილიონ ადამიანს სასურსათო დაუცველობა ემუქრება“.

მისი თქმით, ის, რაც შეიძლება არსებულ სიტუაციას მოჰყვეს, ”არასრულფასოვანი კვება და მასობრივი შიმშილია და კრიზისი, შესაძლოა, წლების განმავლობაში გაგრძელდეს”.

„მოდით, გარკვევით ვთქვათ: არ არსებობს სასურსათო კრიზისის ეფექტური გადაწყვეტა უკრაინის სურსათის წარმოების რეინტეგრაციის გარეშე; რუსეთმა უნდა დაუშვას უკრაინის პორტებში შენახული მარცვლეულის უსაფრთხო ექსპორტი,“- აღნიშნა გუტერეშმა.

გაერო-ს გენერალურმა მდივანმა ასევე ხაზი გაუსვა, რომ სურსათის ექსპორტის ნორმალურ დონეზე აღდგენის მიზნით ის ინტენსიურ კონტაქტში იმყოფება რუსეთთან და უკრაინასთან, ასევე აშშ-სა და ევროკავშირთან.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია