ელენე ხოშტარია - საქართველოს მთავარი პრობლემა არის ოლიგარქი რუსული კავშირებით, შესაბამისად, მთავარი გამოსავალია ამ ოლიგარქის სანქცირება

ჩვენ მათ უნდა ვუთხრათ, რომ საქართველოში ხალხი არის უკიდურესად პროდასავლური, საქართველოში ხალხი არის უკრაინის სოლიდარული, საქართველოში არსებობს პროდასავლური ოპოზიცია და საქართველოს მთავარი პრობლემა არის ოლიგარქი რუსული კავშირებით. შესაბამისად, მთავარი გამოსავალი არის ამ კონკრეტული ოლიგარქის სანქცირება",- ამის შესახებ პარტია "დროას" ლიდერმა ელენე ხოშტარიამ აშშ-ის სახელმწიფო მდივნის უფროს მრჩეველთან პოლიტიკის საკითხებში, დერეკ შოლესთან შეხვედრამდე განაცხადა.

როგორც ხოშტარიამ აღნიშნა, შეხვედრაზე ასევე საუბარი იქნება უსაფრთხოების გამოწვევებზე და რუსეთიდან მომდინარე საფრთხეებზე.

"ბუნებრივია, ჩვენ ვისაუბრებთ იმ უსაფრთხოების გამოწვევებზე, რასაც რუსეთის აგრესია გულისხმობს, ასევე ნატო-ში ინტეგრაციის პერსპექტივებზე. ცხადია, ვისაუბრებთ დემოკრატიის იმ უდიდეს გამოწვევებზე, რომელიც დღეს საქართველოშია - პოლიტიკურ დევნაზე, სასამართლოზე, მედიის თავისუფლების საფრთხეზე ნიკა გვარამიას დაკავების შემდეგ. ყველა ის ფუნდამენტის ნგრევაზე, რაც საქართველოში დემოკრატიის თვალსაზრისით ხდება. რეფორმებზე ლაპარაკი ზედმეტია. არათუ რეფორმები, არამედ არის ძალიან მნიშვნელოვანი რეგრესი, რაც დღევანდელ სამყაროში არის გადაჯაჭვული უსაფრთხოების პრობლემებთან. ჩვენ მათ უნდა ვუთხრათ, რომ საქართველოში ხალხი არის უკიდურესად პროდასავლური, საქართველოში ხალხი არის უკრაინის სოლიდარული, საქართველოში არსებობს პროდასავლური ოპოზიცია და საქართველოს მთავარი პრობლემა არის ოლიგარქი რუსული კავშირებით. შესაბამისად, მთავარი გამოსავალი არის ამ კონკრეტული ოლიგარქის სანქცირება",- განაცხადა ხოშტარიამ.

დერეკ შოლე საქართველოში გუშინ ჩამოვიდა. საქართველოში აშშ-ის საელჩოს ინფორმაციით, ოფიციალური ვიზიტის ფარგლებში ის შეხვედრებს მართავს საქართველოს მთავრობის წარმომადგენლებთან, ოპოზიციური პარტიების წევრებსა და სამოქალაქო საზოგადოების ლიდერებთან.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია