ნიკა მელია - ბიძინა ივანიშვილი იქნება თუ არა დასავლეთის მიერ სანქცირებული სუბიექტი, ეს დროის საკითხია, მაგრამ ფაქტი ჯიუტია, ის არის უმკაცრესი მონიტორინგის ქვეშ

ბიძინა ივანიშვილი იქნება თუ არა დასავლეთის მიერ სანქცირებული სუბიექტი, ეს, რა თქმა უნდა, დროის საკითხია, მაგრამ ფაქტი არის ჯიუტი, ბიძინა ივანიშვილი არის უმკაცრესი მონიტორინგის ქვეშ, - ამის შესახებ „ნაციონალური მოძრაობის“ თავმჯდომარე ნიკა მელიამ აშშ-ის სახელმწიფო მდივნის უფროს მრჩეველთან პოლიტიკის საკითხებში, დერეკ შოლესთან შეხვედრის დასრულების შემდეგ განაცხადა.

მისივე თქმით, დრო ნათლად დაგვანახებს, რამდენად მივა ეს პროცესი იმ წერტილამდე, როდესაც „კიდევ ერთი მორიგი რუსული წარმომავლობის ოლიგარქი დასავლური სანქციის ქვეშ იქნება მოყოლილი“.

„სანქციებთან დაკავშირებით საუბარი ყველა ფორმატში მიმდინარეობს და მე ვფიქრობ, არც თუ ისე უშედეგოდ. ბიძინა ივანიშვილი იქნება თუ არა დასავლეთის მიერ სანქცირებული სუბიექტი ან არ იქნება ეს, რა თქმა უნდა, დროის საკითხია, მაგრამ ფაქტი არის ჯიუტი, ბიძინა ივანიშვილი არის უმკაცრესი მონიტორინგის ქვეშ, მისი ეკონომიკური საქმიანობა არის ძალიან დიდი ყურადღების ქვეშ მოქცეული. თუ მას სერიოზული პრობლემები შეექმნა, სხვადასხვა ტრანზაქციასთან დაკავშირებით, კუთვნილებაში არსებული პირადი ქონების გაყიდვა არ გაყიდვასთან მიმართებაში, მე ვფიქრობ ეს ყველაფერი შემთხვევით არ ხდება. თუ არ ხარ მონიტორინგის ქვეშ, შენ ასეთ შეფერხებებს არ აწყდები დასავლეთის მხრიდან,“ - განაცხადა მელიამ.

მისი თქმით, პარტნიორები ისმენენ იმ პოზიციებს, რაც პარტიების თავმჯდომარეებს და სამოქალაქო საზოგადოების წარმომადგენლებს აქვთ.

„მე ეჭვი არ მეპარება, რომ კონკრეტული ნაბიჯები, ქმედებები იქნება მათი მხრიდან გადადგმული და განხორციელებული იმისათვის, რომ ქართველი ხალხის ისტორიული ნება აღსრულდეს.

პოლიტიკური პატიმრები არის შედეგი იმ რეჟიმისა, რომელშიც ჩვენ ცხოვრება გვიწევს. პოლიტიკური პატიმრობა არასოდეს არ დასრულდება, იქნება დაკავებები, დაჭერები, გათავისუფლებები, მერე კვლავ დაჭერები, დაკავებები და კვლავ გათავისუფლება, თუ არ შეიცვლება ამ მანკიერი პროცესის მიზეზი. მიზეზი ამ მანკიერების ყველასათვის ცნობილია, მათ შორის აშშ-სთვის, რომელმაც 32 წლის განმავლობაში უზარმაზარი პოლიტიკური ფინანსური ინვესტიცია განახორციელეს ჩვენს სახელმწიფოში იმისათვის, რომ ჩვენ დასავლური სამყაროს სრულფასოვანი წევრი ვყოფილიყავით,“ - განაცხადა ნიკა მელიამ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს