ნონა მამულაშვილი - რევოლუციების ეპოქა დასრულდა - ბრძოლის ერთ- ერთი მეთოდი იქნება მუშაობა დასავლეთთან, რომ ივანიშვილი და მისი გარემოცვა დასანქცირდეს

რევოლუციების ეპოქა დასრულდა - ბრძოლის ერთ- ერთი მეთოდი იქნება მუშაობა დასავლეთთან, რომ ივანიშვილი და მისი გარემოცვა დასანქცირდეს, - ამის შესახებ „ნაციონალური მოძრაობის" დეპუტატმა ნონა მამულაშვილმა განაცხადა, რითაც უპასუხა კითხვას, ნიკა მელიას განცხადება, რომ მშვიდობიანად ხელისუფლების ცვლილება ვეღარ წარმოუდგენია, ნიშნავს თუ არა რევოლუციის დაანონსებას.

მამულაშვილის განცხადებით, ხელისუფლების შესაცვლელად რევოლუციის გარდა ბევრი სხვა გზა არსებობს, რომელიც კონსტიტუციას არ არღვევს.

„რევოლუციების ეპოქა დასრულდა, მაგრამ რევოლუციების გარდა არსებობს ბევრი სხვა მეთოდი, რომელიც ცივილიზებულმა სამყარომ გამოიგონა, რომელიც კონსტიტუციას არ არღვევს და აძლევს საქართველოს მოქალაქეებს იმის საშუალებას, რომ ხელისუფლება, რომელიც აღარ ასრულებს მის დავალებას, გადაირჩიოს. ეს არის ქუჩის აქციები, რომელსაც ვერ დავარქმევ რევოლუციას, ეს არის დასავლეთთან თანამშრომლობა და აქცენტირება იმაზე, რომ ოლიგარქმა ჩაიგდო სახელმწიფო ხელში, რომელსაც ქვეყანა ავტორიტარული რეჟიმიდან დიქტატურაზე გადაჰყავს და ბელარუსის მსგავსი რეჟიმი გარდაუვალი იქნება, თუ ეს მდგომარეობა გაგრძელდება, ამიტომ ერთ-ერთი ბრძოლის მეთოდი იქნება მუშაობა დასავლეთთან, რომ ივანიშვილი და მისი გარემოცვა დასანქცირდეს,"- განაცხადა მამულაშვილმა.

მან ასევე აღნიშნა, რომ ბოიკოტის საკითხზე პარლამენტის ოპოზიციაში განსხვავებული აზრი აქვთ, ხოლო ბოიკოტი იქნებოდა ეფექტიანი მხოლოდ მაშინ, თუ პარლამენტს მთლიანად ოპოზიცია დატოვებდა. მისივე განმარტებით, ასეთ შემთხვევაში ბოიკოტს ბრძოლის ერთ- ერთ მეთოდად განიხილავს და არა ერთადერთ მეთოდად.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს