გიგა ბოკერია ნიკა გვარამიას საქმის მოსამართლეზე - იმ მოსამართლის კვალიფიკაციის ამაღლება,რომელსაც ასეთი რეპუტაცია აქვს, არაფრისმომცემია - ამერიკის გადასახადის გადამხდელების ფული ამაზე არ უნდა იფლანგებოდეს

იმ მოსამართლის კვალიფიკაციის ამაღლება,რომელსაც ასეთი რეპუტაცია აქვს, არაფრისმომცემია და დიახ, სწორია, თუ ასე მოხდა. ჩვენი მეგობარი ქვეყნის, ამერიკის გადასახადის გადამხდელების ფული ამაზე არ უნდა იფლანგებოდეს, - ასე აფასებს „ევროპული საქართველოს“ლიდერი გიგა ბოკერია გავრცელებულ ინფორმაციას, რომლის მიხედვითაც, თბილისის საქალაქოს სასამართლოს მოსამართლე ლაშა ჩხიკვაძე აშშ-ს საელჩომ კვალიფიკაციის ასამაღლებელი ტრენინგიდან მოხსნა.

როგორც ბოკერიამ აღნიშნა, კონკრეტულად ამ შემთხვევაში რა მოხდა არ იცის, მაგრამ თუ ეს ასე არის, აბსოლუტურად ლოგიკური ქმედებაა.

„ის გზა, რომელსაც ივანიშვილის რეჟიმი და მისი ყველა მოსამსახურე, თუნდაც ეს მოსამართლე ან სხვა საჯარო მოხელე, მაგრამ განსაკუთრებით მოსამართლე, ვინც მას ემსახურება თავისუფალ სამყაროსთან, თავისუფლებასთან კონფლიქტში მოდის, მერე ამ კონფლიქტს თავისი შედეგები აქვს. ამ შედეგებიდან ყველაზე მცირედია ის, რომ აღარ წაიყვანეს ტრენინგზე. ეს შედეგები უფრო გაღრმავდება, რაც დრო გავა, ოღონდ, სამწუხაროდ, ჩვენ ამას არ უნდა დაველოდოთ იმიტომ, რომ ამასობაში ჩვენი ქვეყანა ზიანდება. ისე, უნდა გითხრათ, რომ იმ მოსამართლის კვალიფიკაციის ამაღლება,რომელსაც ასეთი რეპუტაცია აქვს არაფრისმომცემია და დიახ, სწორია, თუ ასე მოხდა. ჩვენი მეგობარი ქვეყნის, ამერიკის გადასახადის გადამხდელების ფული ამაზე არ უნდა იფლანგებოდეს“,- განაცხადა ბოკერიამ.

შეგახსენებთ, რომ „ფორმულას ინფორმაციით, „მთავარი არხის გენერალური დირექტორის, ნიკა გვარამიას საქმის მოსამართლე ლაშა ჩხიკვაძე აშშ-ს საელჩომ ამოაგდო პროგრამიდან, რომლის ფარგლებშიც ის ამერიკის შეერთებულ შტატებში რამდენიმე დღეში მიემგზავრებოდა.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი