ირაკლი კობახიძე - გვაქვს ინფორმაცია, რომ კონკრეტული პოლიტიკოსები რადიკალური ოპოზიციიდან დადიან დერეფნებში, კაბინეტებში და აწარმოებენ აგიტაციას ევროკავშირში საქართველოს კანდიდატობის წინააღმდეგ

პარტია „ქართული ოცნება - დემოკრატიული საქართველოს“ თავმჯდომარის, ირაკლი კობახიძის განცხადებით, მათი ინფორმაციით, კონკრეტული პოლიტიკოსები რადიკალური ოპოზიციიდან ევროკავშირში საქართველოს კანდიდატობის წინააღმდეგ აგიტაციას აწარმოებენ.

როგორც მან პარტიის ოფისში გამართულ ბრიფინგზე ჟურნალისტებს განუცხადა, ზუსტად იგივე შემთხვევა იყო, როდესაც საქართველოსთვის ვიზალიბერალიზაციის მინიჭების საკითხი წყდებოდა.

„ჩვენ გვაქვს კონკრეტული ინფორმაცია, რომ კონკრეტული პოლიტიკოსები რადიკალური ოპოზიციიდან დადიან დერეფნებში, კაბინეტებში და აწარმოებენ აგიტაციას ევროკავშირში საქართველოს კანდიდატობის წინააღმდეგ. ეს არის მოცემული ფაქტი, რაც ახალი მოვლენა არ არის. ჩვენ გვახსოვს ზუსტად იგივე ვიზალიბერალიზაციასთან დაკავშირებით, მაშინ ეს წარმატებული არ იყო. იმედია, მათი ეს აგიტაცია არც ამ შემთხვევაში იქნება წარმატებული. თქვენ იცით, რამდენჯერაც კონკრეტულ კაბინეტებში შედიან ეს პოლიტიკოსები, იქიდან კონკრეტული მესიჯები გამოდის. ამის გათვალისწინებით, საზოგადოებისთვისაც ცხადია, თუ რა მესიჯებით შედიან ისინი ამ კაბინეტებში და რა მესიჯებით დადიან დერეფნებში“, - განაცხადა კობახიძემ.

გარდა ამისა, მან „ლელოს“ განცხადებაც შეაფასა, რომელიც ინტერპელაციის წესით, 27 მაისს, პარლამენტში პრემიერ-მინისტრს იბარებს. ირაკლი კობახიძის თქმით, საქართველოს პარლამენტში რეგლამენტით მათ შეუძლიათ დასვან შეკითხვა და პასუხს მიიღებენ.

“ინტერპელაციის პროცედურა შედგება რეგლამენტით დადგენილი წესის მიხედვით, 27 მაისს, როგორც ეს მოქმედი კანონმდებლობით არის გათვალისწინებული. საქართველოს პარლამენტში რეგლამენტით მათ შეუძლიათ დასვან შეკითხვა და პასუხს მიიღებენ. ამასთან დაკავშირებით ჩვენ პოზიცია ნათელია“,-განაცხადა კობახიძემ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია