ვიდრე ეს რეჟიმი - ბიძინა ივანიშვილი და მისი გარემოცვა გვყავს, საქართველოს ნულოვანი შანსი აქვს სამშვიდობოს გაღწევის, თავისუფლებისა და ჩვენი უსაფრთხოების დაცვის, - ასე ეხმაურება „ევროპული საქართველოს“ თავმჯდომარე, გიგა ბოკერია, „ქართული ოცნების“ განცხადებებს, იმასთან დაკავშირებით, რომ კონკრეტული პოლიტიკოსები ოპოზიციიდან აწარმოებენ აგიტაციას ევროკავშირში საქართველოს კანდიდატობის წინააღმდეგ.

„იმისათვის, რომ ძალაუფლება შეინარჩუნონ, უნდათ რომ დასავლეთში წარუმატებლობა დააბრალონ ოპოზიციას და მის კრიტიკას, მაგრამ ჩვენ მკაფიოდ უნდა ვუთხრათ ჩვენს მოქალაქეებს ის, რასაც ვთვლით რომ სიმართლეა.

ვიდრე ეს რეჟიმი გვყავს - ივანიშვილი და მისი გარემოცვა, საქართველოს ნულოვანი შანსი აქვს სამშვიდობოს გაღწევის, თავისუფლებისა და უსაფრთხოების დაცვის. ამიტომ, ყველა მოქალაქეს, განურჩევლად მისი პოლიტიკური სიმპათიისა, ყველას ვისაც უნდა იხილოს საქართველო თავისუფალი სამყაროს ნაწილად, ევროპის, ნატო-ს, ევროკავშირის ნაწილად და დაცულად, ამისთვის შეუძლიათ რეჟიმის მშვიდობიანი ჩამოცილებაში საკუთარი წვლილის შეტანა.

ყველა, ვისაც უნდა, რომ საქართველო ევროპისკენ და დასავლეთისკენ წავიდეს, უნდა იღვწოდეს იმისთვის, რომ ბიძინა ივანიშვილი და მისი გარემოცვა მაქსიმალურად სწრაფად ჩამოვაშოროთ ხელისუფლებას“, - განაცხადა გიგა ბოკერიამ.