ჰუბერტ ქნირში - განაჩენში, რომლითაც ადამიანი რამდენიმე წლით ციხეში უნდა ჩაჯდეს, მკაფიოდ უნდა ჩანდეს, რომ ეს არის მხოლოდ არსებული სამართლის კორექტული გამოყენება, რომელზეც ზეგავლენა არ იქონია მსჯავრდებულის პოლიტიკურმა მდგომარეობამ

განაჩენში, რომლითაც ადამიანი რამდენიმე წლით ციხეში უნდა ჩაჯდეს, ძალიან მკაფიოდ უნდა ჩანდეს, რომ ეს არის მხოლოდ არსებული სამართლის კორექტული გამოყენება და რომელზეც ზეგავლენა არ იქონია მსჯავრდებულის პოლიტიკურმა მდგომარეობამ, - ასე უპასუხა გერმანიის ელჩმა ჰუბერტ ქნირშმა „პალიტრანიუსისთვის“ მიცემულ ინტერვიუში „მთავარი არხის“ გენერალური დირექტორის, ნიკა გვარამიას დაკავებასთან დაკავშირებულ კითხვას.

ელჩის განცხადებით, მას აქვს კითხვები, როგორც პროცესისა და განაჩენის, ასევე ამ განაჩენისა და პროცესის კრიტიკის მიმართ.

ჰუბერტ ქნირშმა აღნიშნა, რომ გასული წლების განმავლობაში არაერთი სასამართლო პროცესი ჩატარდა პოლიტიკურად აქტიური პირების წინააღმდეგ და ისინი ყოველ ჯერზე მეტად აკვირდებოდნენ იმას, თუ როგორ მოქმედებს სასამართლო სისტემა.

,,მართლაც ბატონი [ნიკა] გვარამიას მიმართ გამოტანილმა განაჩენმა დიდი ყურადღება მიიპყრო. ამ საქმეს ჩვენც დიდი ყურადღებით ვადევნებთ თვალყურს. გასული წლების განმავლობაში ჩატარდა მთელი რიგი სასამართლო პროცესებისა პიროვნებების წინააღმდეგ, რომლებიც პოლიტიკურადაც აქტიურები არიან და ყოველი ასეთი პროცესის მერე ყურადღება კიდევ უფრო იზრდება, კიდევ უფრო მეტად ვაკვირდებით, რას აკეთებს საქართველოს სასამართლო სისტემა. მე მაქვს კითხვები ამ პროცესის მიმართ, ამ განაჩენის მიმართ, მაგრამ მაქვს ასევე კითხვები იმასთან, რაც შეეხება ამ პროცესის და ამ განაჩენის კრიტიკას. სანამ შორს მიმავალ პოლიტიკურ დასკვნებს გავაკეთებთ, უკეთესი იქნებოდა, რომ ყველამ პატივი ვცეთ სასამართლო სისტემას, სამართალს და დაველოდოთ დასაბუთებულ განაჩენს, რომელიც ჯერ არ გასაჯაროებულა, და ის ძალიან დეტალურად შევისწავლოთ“, -განაცხადა ელჩმა.

მისი თქმით, განაჩენში ცალსახად უნდა ჩანდეს, რომ ეს არ არის პოლიტიკურად მოტივირებული გადაწყვეტილება, მხოლოდ იმიტომ ვინმეს მოსწონს სატელევიზიო პროგრამა თუ არა.

,,განაჩენში, რომლითაც ადამიანი რამდენიმე წლით ციხეში უნდა ჩაჯდეს, ძალიან მკაფიოდ უნდა ჩანდეს, რომ ეს არის მხოლოდ არსებული სამართლის კორექტული გამოყენება, და რომელზეც ზეგავლენა არ იქონია მსჯავრდებულის პოლიტიკურმა მდგომარეობამ, პოლიტიკურმა პოზიციამ, რომ ეს განაჩენი არ არის იმაზე დამოკიდებული, ვინმეს მოსწონს სატელევიზიო პროგრამა თუ არა“, - აღნიშნა ჰუბერტ ქნირშმა.

დიპლომატმა ხაზგასმით აღნიშნა, რომ საქართველოში უნდა იყოს სამართლებრივი სისტემა, რომელსაც ნებისმიერი ადამიანი ენდობა და სწორედ ეს არის ევროკავშირისკენ მიმავალი პროცესის ნაწილი.

,,მთლიანობაში კი მნიშვნელოვანია, რომ საქართველოში იყოს სამართლებრივი სისტემა, როდესაც ნებისმიერ ადამიანს, მიუხედავად თავისი პოლიტიკური სტატუსისა თუ შეხედულებებისა, ექნება ნდობა, რომ ქართული სასამართლოს მიერ მიღებული განაჩენი არ არის პოლიტიკური სიტუაციის გავლენის ქვეშ გამოტანილი. სწორედ ეს არის ევროკავშირისაკენ მიმავალი პროცესის ნაწილი“, -განაცხადა გერმანიის ელჩმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა