გრიგოლ გეგელია - ენტონი ბლინკენის განცხადება საბოლოო ვერდიქტია ხელისუფლების პოლიტიკურ კურსზე

ენტონი ბლინკენის განცხადება საბოლოო ვერდიქტია ხელისუფლების პოლიტიკურ კურსზე, - ამის შესახებ „ლელოს“ ერთ-ერთმა ლიდერმა გრიგოლ გეგელიამ განაცხადა, რითაც გამოეხმურა აშშ-ს სახელმწიფო მდივნის ენტონი ბლინკენის წერილს, რომელსაც ის საქართველოს საგარეო საქმეთა მინისტრს ილია დარჩიაშვილს უგზავნის.

მისი თქმით, მსგავსი გამოხმაურება ადასტურებს, რომ უკრიანის საკითხზე საქართველოს ხელისუფლების პოზიციები ბევრ კითხვას ტოვებს.

“დღეს აშშ-ის სახელმწიფო მდივანმა, ენტონი ბლინკენმა მოუწოდა საქართველოს ხელისუფლებას, უკრაინის მხარდასაჭერად ყველა შესაძლო ნაბიჯი გადადგას და „პასუხისმგებლობა დააკისროს რუსეთის ფედერაციას მის მიერ ჩადენილ სამხედრო დანაშაულებზე“.

სახელმწიფო მდივნის ასეთი გამოხმაურება ნათლად ადასტურებს, რომ უკრაინის საკითხზე საქართველოს ხელისუფლების პოზიციები სულ მცირე ბევრ კითხვას ტოვებს მსოფლიო თანამეგობრობის თვალში. ეს უდიდეს დარტყმას აყენებს ქართულ სახელმწიფოს, განსაკუთრებით კი ახლა, როდესაც საქართველოს ევროპული პერსპექტივის ბედი წყდება. ბლინკენის მიერ ასეთ დროს გაკეთებული განცხადება სრულიად მკაფიო ვერდიქტია, რომელიც ხელისუფლებამ უნდა დაინახოს, როგორც საბოლოო გაფრთხილება.

„ლელომ“ ჯერ კიდევ აპრილში დააინიცირა საპარლამენტო რეზოლუციის პროექტი, რომელიც რუსეთის მიერ უკრაინის სუვერენულ ტერიტორიაზე შეჭრის შემდგომ განხორციელებულ აქტებს სამხედრო დანაშაულად აფასებდა. თუმცა, ხელისუფლებას დღემდე არ განუხილავს ეს დოკუმენტი. სახელმწიფოებრივი კურსის გატარებასა და სწორი მორალური შინაარსის მხარდაჭერას „ქართულმა ოცნებამ“ მორიგ ჯერზე ამჯობინა პოლიტიკური პარანოიით გაჟღენთილი თავდასხმები, რის შედეგსაც დღეს ვიმკით.

ხელისუფლებას უნდა ესმოდეს, რომ მას მხოლოდ რამდენიმე დღე აქვს დარჩენილი იმისათვის, რომ საერთაშორისო თანამეგობრობას სწორი პოლიტიკური იმპულსები აჩვენოს და ამით საქართველოს ევროპული პერსპექტივისთვის მათი მავნებლური კურსის შედეგად მიყენებული უდიდესი ზარალი შეამციროს, რაც დღე-დღეზე ჩვენს ქვეყანას ძალიან ძვირი ფასი შეიძლება დაუჯდეს.

შესაბამისად, ხელისუფლებამ დროულად უნდა მიიღოს „ლელოს“ მიერ ინიცირებული რეზოლუცია უკრაინასთან დაკავშირებით, დაუყონებლივ უნდა დაუბრუნდეს მიშელის შეთანხმების რეფორმებს და შეთანხმების ხელმომწერ მხარეებთან ერთად გამართოს კონსულტაციები აუცილებელი რეფორმების თაობაზე გადაწყვეტილებების მიმღებ პირებთან ბრიუსელში, რადგან არავის არ გააჩნია უფლება ამ ქვეყნის ისტორიისა და მომავლის წინაშე, რომ საქართველოს ხალხს წაართვას ევროპული პერსპექტივა”,- აცხადებს გეგელია, რომლის კომენტარსაც "ლელო" ავრცელებს.

ინფორმაციისთვის, აშშ-ის სახელმწიფო მდივანმა ენტონი ბლინკენმა საქართველოს საგარეო საქმეთა მინისტრს ილია დარჩიაშვილს წერილი გამოუგზავნა.

წერილში ენტონი ბლინკენი მოუწოდეს, საქართველოს მთავრობას, გადადგას ყველა შესაძლო ნაბიჯი უკრაინის მხარდასაჭერად და პასუხისმგებლობა დაეკისროს რუსეთის ფედერაციას, მის მიერ ჩადენილ სამხედრო დანაშაულებებზე.

„აშშ გმობს რუსეთის მიერ საქართველოს მიმდინარე ოკუპაციას და განაგრძობს საქართველოს სუვერენიტეტისა და ტერიტორიული მთლიანობის მტკიცე მხარდაჭერას მის საერთაშორისოდ აღიარებულ საზღვრებში. ამავდროულად, როდესაც მთელი მსოფლიო ეხმაურება რუსეთის სასტიკ და არაპროვოცირებულ ომს უკრაინის წინააღმდეგ, მოვუწოდებ საქართველოს მთავრობას, გადადგას ყველა შესაძლო ნაბიჯი უკრაინის მხარდასაჭერად და პასუხისმგებლობა დაეკისროს რუსეთის ფედერაციას, მის მიერ ჩადენილ სამხედრო დანაშაულებებზე", - ნათქვამია შეერთებული შტატების სახელმწიფო მდივნის ენტონი ბლინკენის წერილში, რომელიც მან 22 აპრილს საქართველოს საგარეო საქმეთა მინისტრს, ილია დარჩიაშვილს გაუგზავნა.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა