გიორგი ვაშაძე - ირაკლი კობახიძეს შეუძლია დღისით, მზისით, გამოვიდეს და ტყუილი დააბრალოს ოპონენტებს, მოვითხოვ მტკიცებულებებს, კონკრეტულ ფაქტებს ან ბოდიშს

სტრატეგია აღმაშენებლის“ ლიდერი, გიორგი ვაშაძე პარტია „ქართული ოცნების“ თავმჯდომარე ირაკლი კობახიძისგან ბოდიშის მოხდას მოითხოვს.

ვაშაძემ „პალიტრანიუსის“ გადაცემა „360 გრადუსში“ ირაკლი კობახიძის განცხადება შეაფასა, რომლის მიხედვითაც, ის ამბობს, რომ კონკრეტული პოლიტიკოსები, რადიკალური ოპოზიციიდან, ევროკავშირში საქართველოს კანდიდატობის წინააღმდეგ აგიტაციას აწარმოებენ.

გიორგი ვაშაძე „ქართულ ოცნებისგან“ იმ პოლიტიკოსების სახელების და გვარების დასახელებას მოითხოვს, ვინც ევროპაში დადიან და ითხოვენ, რომ ევროკავშირმა საქართველოს კანდიდატის სტატუსი არ მისცეს.

ოპოზიციონერი პოლიტიკოსის თქმით, თუ ხელისუფლება არ დაასახელებს კონკრეტულ ოპოზიციონერებს, ვინც ამას აკეთებენ, მაშინ უმრავლესობას ოპოზიციასთან ბოდიშის მოხდა მოუწევს.

„მაშინ დაასახელოს სახელები გვარები. მე შემიძლია ვთქვა ის სახელები და გვარები, რომლებიც ანტიდასავლურ ნაბიჯებსა და რიტორიკაზეა პასუხისმგებელი: კობახიძე, მდინარაძე, ღარიბაშვილი. შემიძლია ციტატები მოვიყვანო და გადაწყვეტილებები, რომლებიც ეწინააღმდეგება და ყველა არგუმენტს ქმნის საქართველოს საწინააღმდეგოდ ევროკავშირის სტატუსის მინიჭებასთან დაკავშირებით. მითხრან მე პოლიტიკოსი, რომელიც დადის და ამბობს, რომ „არ მისცეთ საქართველოს ევროკავშირის სტატუსი“, მოვთხოვ პასუხს იმ პოლიტიკოსს. ასეთს ვერ იტყვიან, ესეც ტყუილია, როგორც ახასიათებთ ტყუილები. თუ არ ამბობენ, მაშინ ბოდიში უნდა მოიხადოს, მეც უნდა მომიხადოს ბოდიში. როდესაც ოპოზიციაზე ლაპარაკობს, ეს ნიშნავს იმას, რომ ყველას გულისხმობს. ბოდიში მომიხადოს კობახიძემ. ჩემთვის მნიშვნელობა არ აქვს, რადიკალურს დაუხვედრებ წინ თუ არარადიკალურს, მე მომიხადოს ბოდიში. ნებისმიერ მოქალაქეს, პოლიტიკოსს, რომელსაც საკუთარი სამშობლო უყვარს, ამ ნაბიჯს არ გადადგამს. კატეგორიულად მოვითხოვ სახელის და გვარების დასახელებას. არ არსებობს კოლექტიური პასუხისმგებლობა, მაშინ არსებობენ პერსონები, ვინც ამას აკეთებენ, გვითხრან, ვინ იყო ასეთი“, - განაცხადა გიორგი ვაშაძემ.

მისი შეფასებით, თუკი საქართველოს ევროკავშირის კანდიდატის სტატუსს არ მისცემენ და უკრაინა და მოლდოვა ჩვენს გარეშე წავლენ, ეს შემდგომ ინტეგრაციაში საქართველოს ათწლეულებით ჩამორჩენას ნიშნავს.

ვაშაძემ კობახიძეს მიმართა, მასთან ერთად დაჯდეს პოლიტიკურ დებატებზე, რომ ისაუბრონ აღნიშნულ საკითხთან დაკავშირებით:

ირაკლი კობახიძეს შეუძლია დღისით, მზისით, გამოვიდეს და ტყუილი დააბრალოს ოპონენტებს. მე მისგან მოვითხოვ მტკიცებულებებს, ან კონკრეტულ ფაქტებს ან ბოდიშს, ისევე როგორც უკრაინის ხელისუფლებისგან მოვითხოვე, მერე რომ არ შემომიტრიალონ. პირდაპირი ჩართვა, რომ მქონდა უკრაინულ არხზე, მე ჩემი ქვეყნის ეროვნული ინტერესები დავიცავი და ვუთხარი, „არა, მეგობრებო, საქართველო ომში არ ჩაერთვება. საქართველოში იქნება მშვიდობა, მაგრამ ამ მშვიდობისთვის შეიძლება განსხვავებული აზრები გვაქვს. კიდევ ვეუბნები, ბატონ კობახიძეს, თუ მართალი ხარ და არ იტყუები, თუ გაქვს ძალა და გგონია, რომ სიმართლეს ამბობ, ერთი-ერთზე დავჯდეთ დებატებზე და გავარჩიოთ ყველა საკითხი", - აღნიშნა ვაშაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია