ბექა დავითულიანი - კანდიდატის სტატუსის არმინიჭება იქნება რუსეთისთვის გზავნილი, რომ დასავლეთს არ შეუძლია დაიცვას მისი პარტნიორები - შეცდომა იქნება ნებისმიერი საბაბის წარდგენა, მაგალითად: „სასამართლო სისტემა უკეთესი უნდა გქონდეთ“

კანდიდატის სტატუსის არმინიჭება იქნება მძიმე ნაბიჯი, რომელიც მიღებული იქნება რუსეთის მიერ გზავნილად, რომ დასავლეთს არ შესწევს ძალა დაიცვას თავის პარტნიორები ამ რეგიონში და გადადგას ნაბიჯი მათთან მეტი ინტეგრაციისთვის, ეს იქნება აღქმული დაახლოებით ისე, როგორც 2008 წლის ომის წინ მაპ-ის არმინიჭება,- ამის შესახებ ჟურნალისტებთან საპარლამენტო უმრავლესობის წევრმა ბექა დავითულიანმა განაცხადა.

როგორც მან აღნიშნა, ევროკავშირს აქვს ასევე საშუალება, რომ გარკვეული დათქმებით მიანიჭოს ქვეყანას კანდიდატის სტატუსი.

„სტატუსის არმინიჭება გაზრდის ნიჰილიზმს ხალხში და შექმნის სერიოზული უსაფრთხოების რისკებს რეგიონში. ამიტომ საქართველოს, კანდიდატის სტატუსი ისევე, როგორც უკრაინას და მოლდოვას, უნდა მიენიჭოს. თუ ეს პოლიტიკური გადაწყვეტილება არ იქნა მიღებული, ეს აღიქმება სისუსტედ და გამოიწვევს მძიმე შედეგებს. შეცდომა იქნება ნებისმიერი ფორმალური საბაბის წარდგენა საქართველოს, უკრაინის და მოლდოვის წინაშე, რომ მაგალითად - „სასამართლო სისტემა უკეთესი უნდა გქონდეთ“. შეგახსენებთ, მოლდოვას პირდაპირ ჩაუწერეს იმ მკვლევარებმა, რომლებიც საქართველოსაც აკრიტიკებენ, რომ პოლიტიკური კორუფციაა მათ მართლმსაჯულების სისტემაში. აი, ასეთი საბაბებით თუ იქნება მიღებული გადაწყვეტილება სტატუსის არმინიჭებაზე, ეს იქნება შეცდომა და გამოიწვევს არასასურველ შედეგებს პირველ რიგში ამ ქვეყნებისთვის და ამასთან, დასავლეთისთვის, რადგან ეს აგრესორი ქვეყნის მხრიდან სისუსტედ იქნება აღქმული,“- განაცხადა დავითულიანმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს