ანა ნაცვლიშვილი - ქვეყანაში, სადაც ქალებს კლავენ, ბავშვები შიმშილობენ, მუშები იხოცებიან, ვნახეთ კობახიძე, რომელიც ექსკლუზიურად ექომაგება მოსამართლეთა იმ ჯგუფს, ვინც პარტიულ ინტერესებს და ძალაუფლებას იცავს

მიხარია, რომ კობახიძემ გუშინდელი პროკურორის ტონი შეცვალა, როგორც ჩანს, იძულებული გახდა და უკან წაიღო თავის ბრალდებები,- ასე გამოეხმაურა "ლელოს" დეპუტატი ანა ნაცვლიშვილი ჟურნალისტებთან ირაკლი კობახიძის დღევანდელ განცხადებას ნიკა გვარამიას საქმის განმხილველ მოსამართლესთან დაკავშირებით.

როგორც ნაცვლიშვილმა განაცხადა, კობახიძის განცხადებები მოსამართლეებისთვის არის გზავნილი, რომ მათ დაიცავენ.

"აშშ მხოლოდ განცხადებებს არ აკეთებს, ის მოქმედებს და ჩვენ ეს მოქმედება ვნახეთ კონკრეტულ მოსამართლესთან მიმართებით, მოლოდინი მაქვს, ეს გაგრძელდება და დღის წესრიგში დარჩება. მე არ მახსენდება კობახიძეს თავის საპარლამენტო ტრიბუნა, ან საპარლამენტო ბერკეტები გამოეყენებინოს რომელიმე პროფესიული ჯგუფის დასაცავად, გარდა მოსამართლეთა იმ ნაწილისა, რომელიც მათ პარტიულ ინტერესებს ემსახურება. ქვეყანაში, სადაც ქალებს კლავენ, ბავშვები შიმშილობენ, მუშები სამუშაო ადგილებზე იხოცებიან, ვნახეთ კობახიძე, რომელიც ექსკლუზიურად ექომაგება მხოლოდ მოსამართლეთა იმ ჯგუფს, ვინც მათ პარტიულ ინტერესებს და ძალაუფლებას იცავს, ეს ძალიან მრავლისმეტყველი ფაქტია. მისი გუშინდელი განცხადება სტრატეგიულ პარტნიორზე მეტად მოსამართლეებისთვის იყო - "არ შეშინდეთ ბიჭებო და გოგოებო, ჩვენ ვინც გვემსახურებით, დაგიცავთ". მაგრამ არის ვითარება და განზომილება, სადაც ვეღარ შეძლებენ დაიცვან მართული მოსამართლეები",- განაცხადა ნაცვლიშვილმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს