პარლამენტმა „სპეციალური საგამოძიებო სამსახურის შესახებ“ კანონში ცვლილები მიიღო

საკანონმდებლო ცვლილებების მიხედვით, სპეციალური საგამოძიებო სამსახურის ინსტიტუციური და ფუნქციური დამოუკიდებლობა იზრდება. კერძოდ, ფართოვდება სპეციალური საგამოძიებო სამსახურის საგამოძიებო ქვემდებარეობა. სამსახური იმ დანაშაულებსაც გამოიძიებს, რომლის ჩადენასთან დაკავშირებით ევროპული სასამართლო „ადამიანის უფლებათა და ძირითად თავისუფლებათა დაცვის კონვენციის“ მე-18 მუხლის დარღვევას დაადგენს.

ცვლილება ითვალისწინებს „სპეციალური საგამოძიებო სამსახურის შესახებ“ საქართველოს კანონის მე-19 მუხლით მინიჭებული უფლებამოსილების გაზრდას - პროცესის მონაწილეთა მიმართ დაცვის სპეციალური ღონისძიებების ეფექტურ გამოყენებას. წესრიგდება პენიტენციურ დაწესებულებებში დაუბრკოლებლად შესვლის უფლებისა და იქ მოთავსებული პირების მიერ სპეციალური საგამოძიებო სამსახურისათვის დარღვეული უფლების შესახებ საჩივრით დაუბრკოლებლად მომართვის საკითხები. ასევე, საკანონმდებლო ცვლილებებით ფართოვდება სპეციალურ საგამოძიებო სამსახურში დასაქმებულ პირთა სოციალური და სამართლებრივი დაცვის გარანტიები, რაც ამ უფლებებზე თანამშრომელთა თანაბარ ხელმისაწვდომობასაც გულისხმობს.

,,სპეციალური საგამოძიებო სამსახურის შესახებ“ საქართველოს კანონში განსახორციელებელი ცვლილებების თაობაზე საკანონდებლო წინადადებით, სპეციალურმა საგამოძიებო სამსახურმა საქართველოს პარლამენტს 2022 წლის 30 მარტს მიმართა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს