თორნიკე შარაშენიძე - ალბათ, უკრაინის ევროკავშირში გაწევრიანება გრძელვადიანი პერსპექტივაა, რაც სერიოზული პრობლემაა - ის ლოკომოტივი, რომელსაც ჩვენ და მოლდოვა ევროკავშირისკენ მივყავართ, თვითონ არის ცუდ მდგომარეობაში

ალბათ, უკრაინის ევროკავშირში გაწევრიანება გრძელვადიანი პერსპექტივაა, რაც სერიოზული პრობლემაა. ის ლოკომოტივი, რომელსაც ჩვენ და მოლდოვა ევროკავშირისკენ მივყავართ, თვითონ არის ძალიან ცუდ მდგომარეობაში“,- ამის შესახებ "ჯიპას" პროფესორმა თორნიკე შარაშენიძემ „პალიტრანიუსის“ გადაცემა „ნიუსრუმში“ განაცხადა.

როგორც შარაშენიძე განმარტავს, ის ვარაუდობს, რომ ევროკავშირის მხრიდან იქნება განცხადება, რომელიც რაღაც დონეზე სამივე ქვეყნის ევროპულ მისწრაფებებს დააკმაყოფილებს, მაგრამ იმ შემთხვევაში, თუ უკრაინაში დამანგრეველი ომი გაგრძელდება უკრაინას ინტეგრაციის პროცესი გაიწელება.

„ რაც შეეხება ჩვენს მოლოდინის რეჟიმს და პერსპექტივებს, უნდა გვესმოდეს, ერთი რამ, ეს არის პოლიტიკური დღის წესრიგის შეცვლა, შესაძლებლობების ფანჯრის გახსნა.

უკრაინაში ომია და აქედან გამომდინარე, ევროკავშირს სურს რაიმე გააკეთოს უკრაინისთვის, შემდეგ ჩვენთვის და მოლდოვასთვის. ყველაზე რეალისტური პრობლემა შემდეგში მდგომარეობს: არ ვიცით, უკრაინაში ომი როდის და როგორ დამთავრდება. იდეალური სცენარი, რომ წარმოვიდგინოთ, როდესაც უკრაინამ აგრესორი გაყარა და ტერიტორიები დაიბრუნა, მისი ტერიტორიების და ეკონომიკის აღდგენას დიდი დრო დასჭირდება.

ალბათ, უკრაინის ევროკავშირში გაწევრიანება გრძელვადიანი პერსპექტივაა, რაც სერიოზული პრობლემაა. ის ლოკომოტივი, რომელსაც ჩვენ და მოლდოვა ევროკავშირისკენ მივყავართ თვითონ არის ძალიან ცუდ მდგომარეობაში. მოლოდინის რეჟიმში კი ვართ, მაგრამ უნდა გვესმოდეს, რომ რომც მოგვცენ სამივეს სტატუსი, პროცესი სერიოზულად გაიწელება.

კი მინდა, ჩემი ქვეყანა ევროკავშირში, მაგრამ, როდესაც ვუყურებ, რომ უკრაინა პარტახდება და ჩვენ ამ დროს ევროკავშირში შევდივართ, ზღაპრის პროცესია. ვფიქრობ, იქნება განცხადება, რომელიც, რაღაც დონეზე სამივე ქვეყნის ევროპულ მისწრაფებებს დააკმაყოფილებს, ალბათ იქნება განცხადება, რომ სამივე თქვენ იმსახურებთ ევროკავშირში წევრობას.

ჩვენ ვიცით, ვინ ქმნის ევროკავშირში ამინდს, საფრანგეთი და გერმანია. ისინი ფრთხილად უყურებენ ამ პროცესს, ფრთხილი განცხადებებით გამოირჩევიან, პირდაპირ ამბობენ, არ იციან, როდის დამთავრდება ომი, ალბათ, არ იჩქარებენ, რომ ევროკავშირის წევრის სტატუსი მიანიჭონ.

დავუშვათ სამივეს მოგვანიჭეს სტატუსი, ეს პროცესი თუ გაიწელა, უკრაინაში დამანგრეველი ომი გაგრძელდა, უკრაინას გაეწელება ინტეგრაციის პროცესი. მორალური დილემა მიდგება, ის გაპარტახდეს და შენ და მოლდოვა ევროკავშირში შეხვიდეთ? გული მეთანაღრება“,- აღნიშნავს შარაშენიძე.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია