პარლამენტის წევრები ინტერპელაციის წესით პრემიერ-მინისტრ ირაკლი ღარიბაშვილს უსმენენ.
ირაკლი ღარიბაშვილი პლენარულ სხდომაზე უკრაინაში შეჭრის გამო რუსეთის წინააღმდეგ დაწესებული საერთაშორისო სანქციების საკითხზე არის დაბარებული.
პრემიერმა პასუხი უნდა გასცეს შემდეგ კითხვას: - რა სამართლებრივ და ადმინისტრაციულ ღონისძიებებს ახორციელებს მთავრობა იმისთვის, რომ საქართველოს ტერიტორიის, საქართველოში რეგისტრირებული ფიზიკური და იურიდიული პირების თუ სხვა სუბიექტების გამოყენებით რუსეთის ფედერაციისა და მათი წარმომადგენლების მიერ სანქციების რეჟიმის დარღვევა არ მოხდეს?
ირაკლი ღარიბაშვილი პარლამენტში, ინტერპელაციის წესით, შვიდმა ოპოზიციონერმა დეპუტატმა: დავით უსუფაშვილმა, ანა ნაცვლიშვილმა, სალომე სამადაშვილმა, შალვა შავგულიძემ, არმაზ ახვლედიანმა, თამარ კორძაიამ და დილარ ხაბულიანმა დაიბარეს.
ინტერპელაცია საპარლამენტო კონტროლის ერთ-ერთი ფორმაა, როდესაც მთავრობის წარმომადგენელმა დეპუტატთა მიერ გაგზავნილ შეკითხვას პარლამენტის პლენარულ სხდომაზე უნდა უპასუხოს.