ირაკლი კობახიძე - სოროსის ფონდის თბილისის ოფისი არსებული ხელმძღვანელობის პირობებში გადაქცეულია ომის პარტიის დანამატად - ეს არის სერგო ორჯონიკიძის მსგავსი ქმედება

სამწუხაროდ, სოროსის ფონდის თბილისის ოფისი არსებული ხელმძღვანელობის პირობებში პირდაპირ გადაქცეულია ომის პარტიის ერთ-ერთ დანამატად. ამის მორიგი დადასტურება იყო ის პოზიცია, რომელიც დაფიქსირდა მისი ერთ-ერთი თანამშრომლის მხრიდან. ეს არის სერგო ორჯონიკიძის მსგავსი ქმედება, - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებთან საუბარში განაცხადა, რითაც გამოეხმაურა სოროსის ფონდში ევროკავშირის პროგრამების ხელმძღვანელის, ვანო ჩხიკვაძის განცხადებას, რომ საქართველოს არ უნდა მიენიჭოს კანდიდატის სტატუსი, არამედ უნდა მიენიჭოს პოტენციური კანდიდატის სტატუსი.

მისი თქმით, ვანო ჩხიკვაძის ქმედება ომის პარტიის, რადიკალური ოპოზიციის ქმედებების გაგრძელებაა. ისინი ყველაფერს აკეთებენ იმისთვის, რომ საქართველომ არ მიიღოს კანდიდატის სტატუსი.

„როდესაც ასეთ რამეს აკეთებ შენი ქვეყნის წინააღმდეგ ასეთ კრიტიკულ დროს, ეს არის ზუსტად იმის გაგრძელება, რაზეც ჩვენ ვსაუბრობთ. ისინი აწარმოებენ აგიტაციას იმის წინააღმდეგ, რომ ჩვენ მივიღოთ კანდიდატის სტატუსი. ვანო ჩხიკვაძის ქმედებაც არის ზუსტად ამ ომის პარტიის, რადიკალური ოპოზიციის ქმედებების გაგრძელება. ისინი ყველაფერს აკეთებენ იმისთვის, რომ საქართველომ არ მიიღოს კანდიდატის სტატუსი. ამის უკან რა დგას, ყველამ ძალიან კარგად ვიცით. ეს არის არეულობის მცდელობა, რომელსაც ჩვენ ვიხილავთ იმ შემთხვევაში, თუ ასეთი რამ მოხდა. ჩვენ იმედს ვიტოვებთ, რომ ასეთი რამ არ მოხდება ერთი მარტივი მიზეზის გამო - არავითარი საფუძველი არ აქვს ამას. საქართველო ყველა პარამეტრით იმაზე მეტად იმსახურებს კანდიდატის სტატუსს, ვიდრე უკრაინა და მოლდოვა. არსებობს ძალიან მარტივი კრიტერიუმები, ეს არის სამართლის უზენაესობა და დემოკრატია, თავისუფალი ვაჭრობის შეთანხმების შესრულება, ეკონომიკური თანამშრომლობა, ზოგადად ასოცირების შეთანხმებით გათვალისწინებული ვალდებულებების შესრულება. ყველა პარამეტრით საქართველო წინ უსწრებს როგორც უკრაინას, ასევე მოლდოვას, შესაბამისად, არავითარი საფუძველი არ არსებობს იმისთვის, რომ საქართველოს არ მიენიჭოს კანდიდატის სტატუსი, მითუმეტეს, თუ ეს სტატუსი მიენიჭება უკრაინას და მოლდოვას. ამ ფონზე, როდესაც რადიკალური ოპოზიცია აწარმოებს კამპანიას იმასთან დაკავშირებით, რომ საქართველო ალბათ ვერ მიიღებს კანდიდატის სტატუსს, ეს ბევრ რამეზე მიანიშნებს, პირველ რიგში მათ ზრახვებზე“, - განაცხადა ირაკლი კობახიძემ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო