სანქციებს ჩვენ არ ვაწესებთ, მაგრამ რაც შეეხება სანქციების გვერდის ავლას, ამასთან დაკავშირებით ჩვენი პოზიცია ნათელია - საქართველო არ იქნება გამოყენებული გვერდის ავლისთვის, - ამის შესახებ პარტის "ქართული ოცნების" თავმჯდომარე ირაკლი კობახიძემ განაცხადა. მისი თქმით, არც ერთი ფაქტი არ არსებობს, რომ საქართველოს გამოყენებით სანქციების გვერდის ავლა მოხდა, თუმცა, ოპოზიციას მაინც აქვს კითხვები ამასთან დაკავშირებით.
"ყველაფერი არის ცხადი, არც ერთი ფაქტი არ არსებობს იმასთან დაკავშირებით, რომ სადმე მოხდა რაიმეს გვერდის ავლა, ამის მიუხედავად ოპოზიცია მაინც სვამს ასეთ კითხვას, თუმცა, ეს არის მათი უფლება და ამ კითხვას გაეცემა პასუხი. ეს არის ჩვენი პოზიცია სანქციებთან დაკავშირებით,"- განაცხადა კობახიძემ.