ირაკლი ზარქუა - მიმდინარე წელსაც პირველი კვარტლის მონაცემებით, ორნიშნა ეკონომიკური ზრდა გვაქვს, რასაც მსოფლიოში ბევრი ქვეყანა ვერ დაიკვეხნის

ჩვენ შევძელით ის, რომ მიმდინარე წელსაც პირველი კვარტლის მონაცემებით, ორნიშნა ეკონომიკური ზრდა გვაქვს - ამ მონაცემებით, მსოფლიოში ბევრი ქვეყანა ვერ დაიკვეხნის, თუ ვერც ერთი ვერა, - ამის შესახებ რეგიონული პოლიტიკის და თვითმმართველობის კომიტეტის პირველმა მოადგილემ, ირაკლი ზარქუამ პარლამენტის პლენარულ სხდომაზე განაცხადა, სადაც ეკონომიკის მინისტრს ინტერპელაციის წესით მოუსმინეს.

მისივე თქმით, ევროპის ბაზარზე ქართული პროდუქტის ექსპორტი იზრდება და მთელი საქონელბრუნვის 21% სწორედ ევროკავშირზე მოდის.

„მიუხედავად იმისა, რომ ჩვენს მთავარ პარტნიორ ქვეყნებში ასეთი პრობლემები გვაქვს, ომი მიმდინარეობს და ამ რეგიონმა ბევრი პრობლემა გადაიტანა, მათ შორის, მეორე ომი და კონფლიქტი ჩვენს მეზობლებს შორის, ჩვენმა ქვეყანამ მაინც შეძლო და გასულ და მიმდინარე წელსაც მაღალი ეკონომიკური ზრდა გვაქვს. რომან გოცირიძე რუსეთს ხშირად ახსენებდა და ამ რუსეთს მთავარი სტრატეგიული ობიექტები სწორედ მისმა ძალამ და პარტიამ გადასცა. მიუხედავად ამისა, დღეს იმ 3 865 მლნ. დოლარიდან, რომელიც 37%-იანი ზრდა არის, ექსპორტის გაზრდა შევძელით, მათ შორის, 47%-ით და რაც მთავარია, მთელი საქონელ ბრუნვის 21%-მდე სწორედ ევროკავშირზე მოდის. ხოლო რუსეთი, როგორც ჩვენი სავაჭრო პარტნიორი, სწორი პოლიტიკის შედეგად, მეხუთე ადგილზეა. ეს არის რეალობა. ეს არის შედეგები!

ხარვეზები, რა თქმა უნდა, არის, მაგრამ ობიექტურები უნდა ვიყოთ. ჩვენ შევძელით ის, რომ მიმდინარე წელსაც პირველი კვარტლის მონაცემებით, ორნიშნა ეკონომიკური ზრდა გვაქვს. ამ მონაცემებით, მსოფლიოში ბევრი ქვეყანა ვერ დაიკვეხნის, თუ ვერც ერთი ვერა. ამას გაფრთხილება სჭირდება. თუ რამე შენიშვნა ან რეკომენდაცია გაქვთ, მზად ვართ განვიხილოთ. მობრძანდით კომიტეტზე და თქვენი იდეები მოგვაწოდეთ. თუ არა და ლიტონი სიტყვებით აღმოჩნდებით ისე, როგორც გიორგი ვაშაძე, რომელიც 1%-ს ვერ გაცდა და აქ სულ ხმამაღლა გვიკიჟინებს - სულ „თქვენი პრემიერი" გვეძახა და ამ დროს შერიგება და მეტი კდემამოსილება გმართებთო. ორმაგი სტანდარტით, რომ ხართ ამიტომაც არის, რომ ხალხს ისევ და ისევ „ქართული ოცნება" ეიმედება და მესამე ვადით დამსახურებულად ვართ ხელისუფლებაში", - განაცხადა ირაკლი ზარქუამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია