ჩვენ არ გვყავს არაჩვეულებრივი პატიმრები, ჩვენთვის ყველა პატიმარი კანონის წინაშე თანასწორია და საერთოდ მიდგომა, რა თქმა უნდა, ყველას მიმართ ყოველთვის თანაბარი იქნება, - ამის შესახებ საქართველოს იუსტიციის მინისტრმა, რატი ბრეგაძემ პარლამენტში პლენარულ სხდომაზე განაცხადა, სადაც ინტერპელაციის წესით მოუსმინეს.
იუსტიციის მინისტრმა ყოფილი პრეზიდენტის, მიხეილ სააკაშვილის ალტერნატიული ექსპერტიზის შესახებაც ისაუბრა და კიდევ ერთხელ განმარტა, რომ როდესაც შესაბამის დოკუმენტაციას და სასამართლოს განჩინებას წარმოადგენენ, რა თქმა უნდა, სააკაშვილთან შევლენ.
„ალტერნატიული ექსპერტიზის შესახებ არაერთხელ ვისაუბრეთ და აქ რაიმე განსაკუთრებულ სიახლეს არ ვამჟღავნებთ. ამისგან აჟიოტაჟს ნუ შევქმნით, აუცილებლად შევლენ. ისევე, როგორც აქამდე, როდესაც ვთქვით, რომ სააკაშვილი გორის სამხედრო ჰოსპიტალში გადავიდოდა და აქ ჩვენ დანაპირების შესრულებასთან დაკავშირებით პრობლემა არ გვაქვს", - განაცხადა რატი ბრეგაძემ.