რუსული გემი უკრაინის საპორტო ქალაქ მარიუპოლში შევიდა და ლითონით დატვირთვა დაიწყო, - ინფორმაციას რუსული მედია ავრცელებს.

მათივე ცნობით, პორტის წარმომადგენელმა განაცხადა, რომ ორშაბათს გემმა რუსეთის ქალაქ დონის როსტოვში დაახლოებით 2700 ტონა ლითონი უნდა გადაიტანოს.

შეგახსენებთ, რომ მარიუპოლში მდებარეობს „აზოვსტალის“ ფოლადის ქარხანა, რომელსაც რუსული ძალების ალყაში მყოფი უკრაინელი ჯარისკაცები კვირების განმავლობაში იცავდნენ.

უკრაინის ომბუდსმენმა, ლუდმილა დენისოვამ განაცხადა, რომ მარიუპოლიდან ლითონის გატანა მოროდიორობის ტოლფასია.

„უკრაინის დროებით ოკუპირებულ ტერიტორიებზე მოროდიორობა გრძელდება. უკრაინული მარცვლეულის გაძარცვის შემდეგ, ოკუპანტებმა მარიუპოლიდან ლითონის პროდუქტების გატანა დაიწყეს,“ - განაცხადა დენისოვამ.