ოკუპირებულ ხერსონში რუსეთის მიერ დანიშნული სამხედრო სამოქალაქო ადმინისტრაციის უფროსის მოადგილე კირილ სტრემუსოვი აცხადებს, რომ რეგიონი არ ჩაატარებს რეფერენდუმს რუსეთთან ოფიციალურად შეერთების შესახებ, ვიდრე არ შეწყდება ბრძოლები ხერსონის, ოდესისა და მიკოლაივის მიმდებარე რეგიონებში.

„მოგვიანებით გამოვაცხადებთ, როცა რაიმე სახის კენჭისყრა ან პლებისციტი ჩატარდება, მაგრამ ეს არ იქნება დღეს ან ხვალ, რადგან ჩვენი პირველი ამოცანაა წესრიგის აღდგენა და ადმინისტრაციის სისტემის ორგანიზება ხერსონის რეგიონში“, - აღნიშნა სტრემუსოვმა.

ცნობისთვის, მანამდე უკრაინის ოფიციალურმა პირებმა განაცხადეს, რომ რუსული ძალები ამზადებდნენ ყალბ რეფერენდუმს.