სერგო ჩიხლაძე - კობახიძის განცხადებები არის ბოდვები - „ქართულმა ოცნებამაც“ უნდა გააცნობიეროს, რომ ასეთი სულელური გზავნილები უკვე მათ ამომრჩეველშიც კი აღარ მუშაობს და დაცინვის საგანია

კობახიძის განცხადებები არის ბოდვები და ვფიქრობ, „ქართულმა ოცნებამაც" უნდა გააცნობიეროს, რომ ასეთი სულელური გზავნილები უკვე მათ ამომრჩეველშიც კი აღარ მუშაობს და დაცინვის საგანია, ამიტომ სჯობს, „მესიჯბოქსი“ შეცვალონ, - ამის შესახებ „სტრატეგია აღმაშენებლის" წევრმა, სერგო ჩიხლაძემ განაცხადა, რითაც „ქართული ოცნების“ თავმჯდომარის, ირაკლი კობახიძის განცხადებებს გამოეხმაურა.

მისი თქმით, კობახიძისგან საზოგადოებამ მორიგი ცრუ ბრალდებები მოისმინა ოპოზიციის მისამართით.

„კობახიძისგან მოვისმინეთ მორიგი ცრუ ბრალდებები, მან ვერც ერთ ჯერზე ვერც ერთი მტკიცებულება ვერ წარმოადგინა. ეს უფრო პირიქით არის - ჩვენ, „სტრატეგია აღმაშენებელი“, სხვა ოპოზიციური პარტიები დავდივართ და ვითხოვთ იმას, რასაც არ ითხოვს ხელისუფლება. ვითხოვთ მეტ დახმარებას, მეტ ინტეგრაციას, ყველგან ხაზს ვუსვამთ, მიუხედავად იმისა, რომ ხელისუფლება არ ასრულებს ვალდებულებებს, უკან მივყავართ და არა წინ, არ ვითარდება დემოკრატიული პროცესები, ამ ყველაფრის მიუხედავად, კანდიდატის სტატუსის მიღება არის მნიშვნელოვანი, რომ არ დავრჩეთ ერთი ერთზე აგრესორ რუსეთთან“, - განაცხადა ჩიხლაძემ.

ცნობისათვის, ირაკლი კობახიძემ განაცხადა, რომ „რადიკალებისა და მათი უცხოელი ლობისტების გათვლა მარტივია, საქართველომ არ უნდა მიიღოს კანდიდატის სტატუსი, ამას უნდა მოჰყვეს საზოგადოების მღელვარება, „ნაციონალური მოძრაობის“ მიერ ხელისუფლების გადატრიალება და საქართველოს ომში ჩართვა". მისივე თქმით, იმ პირობებში, როდესაც კანდიდატის სტატუსი ევროკავშირს არც დაფინანსების და არც გაწევრიანების კუთხით არავითარ ვალდებულებას არ აკისრებს, გაუგებარია, რატომ უნდა უთხრას მან საქართველოს სახელმწიფოს და ქართველ ხალხს უარი ამ სტატუსზე. კობახიძის თქმით, ევროკავშირის უარი კანდიდატის სტატუსზე ალოგიკური იქნებოდა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია