ეს სპონტანური ძალადობა, რომელიც ჟურნალისტების მიმართ ვიხილეთ, იყო ამოვარდნილი მთლიანად საქართველოს თანამედროვე განვითარებიდან. ეს იყო აბსოლუტური ანომალია, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც მან აღნიშნა, 2021 წლის 5 ივლისის ძალადობასთან დაკავშირებით 100-ზე მეტი ადამიანი არის დასჯილი, მათ შორის სისხლის სამართლებრივი წესით.

„მთავარია გამოხატვის თავისუფლება და უსაფრთხოების ინტერესები. შინაგან საქმეთა სამინისტრო არის ის ინსტიტუცია, რომელიც პასუხისმგებელია ამ საკითხზე და როგორც სხვა დროს პროფესიონალურად უდგებიან საზოგადოების უსაფრთხოებას, დარწმუნებული ვარ, ისინი წელსაც შესაბამისად იმოქმედებენ“, - განაცხადა შალვა პაპუაშვილმა.