ფაქტების კონსტატირებას მოვახდენ, „ლელომ”, როგორც პოლიტიკურმა ორგანიზაციამ ვერ იპოვა საკუთარი ნიშა, თავი, ამიტომ, დროსა და სივრცეში დაკარგულია, - ასე ეხმაურება „ქართული ოცნების“ წევრი, დეპუტატი ალუდა ღუდუშაური „ლელოს“ ინიციატივას, რომლის თანახმად, „ქართულ ოცნებას“ მოუწოდებენ, 19 აპრილის შეთანხმებას დაუბრუნდნენ.

დეპუტატის თქმით, „ლელო“ რაც უფრო ადრე გააცნობიერებს, რა რეალობაა, რა ობიექტური მოცემულობაა და რა საჭიროებები აქვს მოსახლეობას, მით უკეთესი იქნება მისთვის.

„ამიტომ, როდესაც დროსა და სივრცეში დაკარგულები არიან, მიედ-მოედებიან რაღაცებს. აქედან გამომდინარე, ამის ნაცვლად ჯობია, რომ ხალხის საჭიროებებზე გააკეთონ ფოკუსი“, - განაცხადა ღუდუშაურმა.

ცნობისთვის, „ლელო“ „ქართულ ოცნებას“ მოუწოდებს, 19 აპრილის შეთანხმებას დაუბრუნდეს, პრეზიდენტს კი მიმართავს, გამოიყენოს მისთვის კონსტიტუციით მინიჭებული ყველა უფლება აღნიშნულის უზრუნველყოფისთვის.