„ლელოს" საგარეო მდივანი გრიგოლ გეგელია ირლანდიაში მიემგზავრება, სადაც ALDE-ს ევროპული პოლიტიკური ჯგუფის ყრილობაზე პარტია "ლელოს" წარმოადგენს. ამის შესახებ ინფორმაციას პარტია „ლელო“ ავრცელებს.

ვიზიტის განმავლობაში გეგელია სიტყვით მიმართავს ALDE-ს საბჭოს, სადაც იგი "ლელო საქართველოსთვის" ხედვებს წარადგენს.

„ირლანდიაში ვიზიტისას, "ლელოს" საგარეო მდივანი შეხვედრებს გამართავს ევროპარლამენტარებთან, ევროპული საბჭოსა და ევროპული კომისიის წარმომადგენლებთან, სხვადასხვა ევროპული პარტიების ლიდერებთან.

2-4 ივნისს დუბლინში მიმდინარე მაღალი კლასის პოლიტიკურ ყრილობას ესწრება რამდენიმე ევროპული სახელმწიფოს პრემიერ-მინისტრი, ევროპარლამენტის, ევროპული საბჭოსა და ევროპული კომისიის წარმომადგენლები, ისევე როგორც ეროვნული მთავრობების მინისტრები, პარლამენტარები და ევროპული სახელმწიფოების პარტიების ლიდერები“, - ნათქვამია განცხადებაში.