აშშ-მა რუსეთის წინააღმდეგ ახალი სანქციები მიიღო - სანქცირებულთა სიაში არიან რუსეთის ელიტის წარმომადგენლები, მათ შორის მარია ზახაროვა
აშშ-ის სახაზინო დეპარტამენტმა უკრაინაში შეჭრის გამო, რუსეთის წინააღმდეგ ახალი სანქციები შემოიღო.
როგორც მედია წერს, უახლესი სანქციებით ოფიციალურმა ვაშინგტონმა მიზანში კრემლთან დაკავშირებულ იახტების საბროკერო კომპანია და რუსეთის ხელისუფლების რამდენიმე გამოჩენილი წარმომადგენელი ამოიღო.
სიაშია ასევე პუტინთან დაახლოებული სერგეი როლდუგინი, რომელიც მედიის ცნობით, რუსეთის პრეზიდენტის ოფშორულ სიმდიდრეს ზედამხედველობს.
მედიის ცნობით, სახელმწიფო დეპარტამენტმა სანქციები დაუწესა ხუთ რუს ოლიგარქსა და ელიტის წარმომადგენელს, მათ შორის რუსეთის საგარეო საქმეთა სამინისტროს პრესსპიკერს მარია ზახაროვას და მილიარდერ ალექსეი მორდაშოვს.
სანქციები ოლიგარქებისა და ელიტის ოჯახის წევრებსა და მათთან დაკავშირებულ სუბიექტებსაც შეეხო.
