როდესაც ევროკავშირის გზას ადგახარ და გსურს გახდეთ წევრი ქვეყნების ჯგუფისა, რომლებიც იზიარებენ საერთო ღირებულებებსა და პრინციპებს, თქვენი ვალდებულებაა, გაიზიაროთ იგივე ღირებულებები და პრინციპები, რომელსაც ეს ქვეყნები იზიარებენ, - ამის შესახებ ესტონეთის ელჩმა საქართველოში, რიინა კალიურანდმა დისკუსიაზე, სახელწოდებით “საგარეო და უსაფრთხოების პოლიტიკა” განაცხადა.
„რაც შეეხება თქვენი მთავრობის განცხადებებს უკრაინის ომის დასაწყისში, ცოტა ფრთხილი განცხადებები კეთდებოდა, რადგან შესაძლოა, ეს იყო საქართველოში მეორე ფრონტის გახსნის შესახებ საზოგადოებაში პანიკის თავიდან აცილების გზა. მეორე მხრივ, როდესაც ევროკავშირის გზას ადგახარ და გსურს გახდეთ წევრი ქვეყნების ჯგუფისა, რომლებიც იზიარებენ საერთო ღირებულებებსა და პრინციპებს, თქვენი ვალდებულებაა, გაიზიაროთ იგივე ღირებულებები და პრინციპები, რომელსაც ეს ქვეყნები იზიარებენ. ვინაიდან რუსეთი არის აგრესორი, ამ სიტუაციაში საკუთარი თავის, როგორც ევროპული საზოგადოების ნაწილის იდენტიფიცირება, არის შენი თავდაცვა. მაგრამ არ შეიძლება ევროკავშირის წევრობის გამოყენება, როგორც რუსეთის დასჯის, როგორც რუსეთზე შურისძიების ინსტრუმენტის, რადგან არც ეს არის სწორი,“- აღნიშნა ელჩმა.