დიმიტრი საძაგლიშვილი იზიარებს საია-ს პოზიციას, რომ ნიკა გვარამიას საქმეზე გამოტანილი განაჩენი დაუსაბუთებელია

ტელეკომპანია „მთავარი არხის" გენერალური დირექტორის ნიკა გვარამიას ადვოკატი დიმიტრი საძაგლიშვილი იზიარებს „საქართველოს ახალგაზრდა იურისტთა ასოციაციის" პოზიციას, რომ ნიკა გვარამიას საქმეზე გამოტანილი განაჩენი დაუსაბუთებელია.

როგორც საძაგლიშვილმა ჟურნალისტებს განუცხადა, რასაც გამოძიება ნიკა გვარამიას ედავება, დანაშაულის ნიშნებს არ შეიცავს.

„ახალგაზრდა იურისტთა ასოციაციის“ მიერ გაკეთებული შეფასებით დასტურდება მათ შორის ჩვენი პოზიცია, რომ განაჩენი არის დაუსაბუთებელი და რომ იმ ქმედებებში, რასაც პროკურატურა ნიკა გვარამიას ედავება, დანაშაულის ნიშნები საერთოდ არ იკვეთება. ყველა ის საკითხი, რაც ჩვენი შეფასებით, კრიტიკის საგანი არის მოსამართლე ჩხიკვაძის ვითომდა დასაბუთებულ განაჩენში, ასახულია "ახალგაზრდა იურისტთა ასოციაციის" განცხადებაში. ვხედავთ, რომ ამ საქმის დაწყების მომენტიდან თითქმის არ არსებობს აქტორი, რომელსაც საქმის მასალებთან აქვს შეხება და არ ამბობს, რომ ეს არის პოლიტიკური დევნა. ამ შემთხვევაში, პროკურატურას და სასამართლოს არ ვგულისხმობ, ისინი არა აქტორები, არამედ პოლიტიკური ხელისუფალის ნების აღმსრულებელი არიან",-განაცხადა საძაგლიშვილმა.

ცნობისთვის, საიას შეფასებით, სასამართლოში ნიკა გვარამიას საქმის განხილვის სხვადასხვა ეტაპზე არსებულ კითხვებს, რაც ბრალდებულთა მიმართ ბრალის წარდგენის, სასამართლო განხილვის, გამამტყუნებელი განაჩენის გამოტანის სტანდარტებთან და მოსამართლის დამოუკიდებლობასა და მიუკერძოებლობასთან მიმართებით არსებობდა, სასამართლო განაჩენში არ პასუხობს, რის გამოც საია-ში მიიჩნევენ, რომ განაჩენი დაუსაბუთებელია. ამასთანავე, მათი შეფასებით, სასამართლო სხდომის დარბაზში გამოკვლეული არაერთი მტკიცებულება იმის თქმის საფუძველს იძლევა, რომ ქმედებაში დანაშაულის ნიშნები არ იყო.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს