საქართველო უნდა იყოს კარგი გაგებით პაპზე უფრო კათოლიკე იმ თვალსაზრისით, რომ ჩვენ ყველა ბარიერის მიუხედავად უნდა მივიწევდეთ წინ ნატო-სკენ, ევროკავშირისკენ, დაცულობისკენ და ამ დროს გვყავს ხელისუფალი, რომელიც შემჩნეულია პუტინის რუსეთთან კავშირში, - ასე ეხმაურება „ევროპული საქართველოს“ თავმჯდომარე, გიგა ბოკერია EPP-ის რეზოლუციას.
ბოკერიას განცხადებით, ის, რომ განხილვის საგანია საქართველოს ყოფილი პრემიერ-მინისტრის, ბიძინა ივანიშვილის სანქცირების საკითხი, უმძიმესი პოლიტიკური განაჩენია ქვეყნისთვის.
“საქართველო უნდა იყოს კარგი გაგებით პაპზე უფრო კათოლიკე იმ თვალსაზრისით, რომ ჩვენ ყველა ბარიერის მიუხედავად უნდა მივიწევდეთ წინ ნატო-სკენ, ევროკავშირისკენ, დაცულობისკენ და ამ დროს გვყავს ხელისუფალი, რომელიც არის მინიმუმ ეჭვმიტანილი თავისუფალი სამყაროსგან ისეთ ქმედებებში, რომელიც სანქცირებას იმსახურებს, როგორც დემოკრატიის, ასევე თავისუფალი სამყაროს მტრის, პუტინის რუსეთთან კავშირის თვალსაზრისით,“ - განაცხადა გიგა ბოკერიამ.