იაგო ხვიჩია - „ნაციონალური მოძრაობა“ რომ აღარ არსებობდეს ახლა, ყველასთვის კარგია, განსაკუთრებით „ნაცმოძრაობის“ ლიდერებისთვის

ციხეში თუ ზიხარ და ვერაფერს შვრებიან, 500 კაცს ვერ აგროვებენ, უნდა გესმოდეს, რომ არანაირი 25%-იანი პარტია არ არის „ნაციონალური მოძრაობა“ და უნდა დაამთავრო ამ პარტიის მოღვაწეობა, ისტორიისკენ გადაინაცვლო და წახვიდე სხვა ქვეყნის პოლიტიკაში, თუ არადა იჯდები ციხეში, - ამის შესახებ „გირჩის“ ერთ-ერთმა ლიდერმა, იაგო ხვიჩიამ „პალიტრანიუსის“ გადაცემა „პოლიტიკურ სივრცეში“ საქართველოს მესამე პრეზიდენტ მიხეილ სააკაშვილზე საუბრისას განაცხადა.

იაგო ხვიჩიას თქმით, „ნაციონალურ მოძრაობას“ ჰგონია, რომ „ერთხელ ხალხს ყელში ამოუვა „ქოცები“ და მათ მოიყვანენ ერთპიროვნულად“, რაც არასდროს მოხდება.

„სამწუხაროდ, შიშია გრძნობა, რასაც დარაზმულად მიჰყავს ხალხი არჩევნებზე და ამ შიშს აღვივებენ. შიშს აღვივებს ხელისუფლება პირველ რიგში და ამის გაღვივების საშუალებას „ნაციონალური მოძრაობა“ აძლევს იმით, რომ კიდევ არსებობს. კიდევ ჰგონია, რომ ერთხელ ხალხს ყელში ამოუვა „ქოცები“ და მათ მოიყვანენ ერთპიროვნულად. ჩემი აზრით, ეს არასდროს მოხდება. იცით როგორი თემაა? - რომ აგებ, არასდროს გამოდიხარ მოედნიდან და სულ გცემენ, მაგრამ არასდროს ამთავრებ და არავის შანსს არ აძლევ. ეგოისტობა უნდა მორჩეს ქართულ პოლიტიკაში.

შენი ლიდერი ციხეში ზის, 500 კაცს ვერ აგროვებ და ნახევარ მილიონ ამომრჩეველს აგროვებ სხვადასხვა მიზეზების გამო. საბოლოო ჯამში აღმოჩნდა, რომ არაფრის გამომყვანი არ ხარ, არანაირი პარტია არა ხარ, არანაირი იდეა არ გაგაჩნია. არაფერი არ შეგიძლია და უბრალოდ არის შეკრებილი ხალხი, რომელსაც სხვა პერსპექტივა არ გააჩნია და ასე იციან პარლამენტში მოხვედრის გზა, ასე საკუთარ ეგოიზმს სწირავენ ამ ქვეყნის მომავალს. ყველამ იცის, რომ ვიდრე ეს ხდება, იქამდე სულ იქნები იარაღად გამოყენებული და ვერ იღებ გადაწყვეტილებას ვერც იმისთვის, რომ საკუთარი ლიდერი გაათავისუფლო, გადაარჩინო და ვერც იმაზე, რომ საკუთარ ქვეყანაში რამე შეცვალო.

„ნაციონალური მოძრაობა“ რომ აღარ არსებობდეს ახლა, ყველასთვის კარგია ეს, პირველ რიგში, განსაკუთრებით, „ნაცმოძრაობის“ ლიდერებისთვის. მიშამ უნდა ქნას ეს. „ქოცები“ ისე არავის არ დააშლევინებენ „ნაცმოძრაობას“. „ნაცმოძრაობის“ შიგნითო სავსეა ხალხი „ქართული ოცნების“ გულშემატკივრებითა და შეგზავნილებით, ისინი ყველაზე მეტს იყვირებენ, რომ „ნაცმოძრაობა“ არ დაიშალოს“, - განაცხადა იაგო ხვიჩიამ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა