შალვა პაპუაშვილი - პარლამენტის შესასვლელთან რკინის კონსტრუქციები არ არის კარგი პოლიტიკური გარემოსთვის - ეს გადაწყვეტილებები მიიღება უსაფრთხოების რისკების შეფასების საფუძველზე

საქართველოს პარლამენტის თავმჯდომარის, შალვა პაპუაშვილის განცხადებით, პარლამენტის შესასვლელში განთავსებული რკინის კონსტრუქციები პოლიტიკური გარემოსთვის კარგი არ არის. ამის შესახებ პაპუაშვილმა საკანონმდებლო ორგანოში ყოველწლიური ანგარიშის წარდგენისას განაცხადა.

როგორც პაპუაშვილმა აღნიშნა, ის პირადად შეეცდება, რაც შეიძლება მალე შემცირდეს უსაფრთხოების რისკები და მოიხსნას კონსტრუქციები.

„რკინის კონსტრუქციები არ არის კარგი პოლიტიკური გარემოსთვის. სამწუხარო რეალობაა. ეს გადაწყვეტილებები მიიღება უსაფრთხოების რისკების შეფასების საფუძველზე. იმისდა მიხედვით, როგორია უსაფრთხოების რისკების შეფასება, შესაბამის სტრუქტურებთან კონსულტაციით მიიღება ეს გადაწყვეტილება. ჩემი მხრივ დაგიდასტურებთ, რომ მე პირადად შევეცდები, რაც შეიძლება მალე შემცირდეს ეს უსაფრთხოების რისკები და შემდეგ მოიხსნას კონსტრუქციები. ამიტომ პატივი უნდა ვცეთ ამ გადაწყვეტილებას. მიჭირს ამაზე საუბარი, მაგრამ პირადად როგორც მოქალაქე და ამ პარლამენტის წევრი, სამწუხაროდ, მომსწრე ვიყავი, არ ვიცი ამას რა დავარქვა - შტურმია, შეტევაა, არალეგიტიმური ქცევაა, აგრესიაა თუ სხვა, ის რაც არ ეკადრება პარლამენტის კედლებს, ის ხდება. ის ბარიერებიც იმისთვისაა, რომ საბოლოო ჯამში არ მივიდეს იმხელა ესკალაციამდე, რომ დამატებითი ზიანი გამოიწვიოს გარკვეული წესრიგის დარღვევის აღკვეთამ",- განაცხადა პაპუაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა