უკრაინის ეროვნული უსაფრთხოებისა და თავდაცვის საბჭოს მდივანმა, ალექსეი დანილოვმა რუსეთი ქვეყნის მარცვლეულის ბაზარზე კონტროლის მოსაპოვებლად, ხელოვნურად დაბრკოლებების შექმნაში დაადანაშაულა. ამის შესახებ ინფორმაციას CNN-ი ავრცელებს.
„ჩვენი პოზიცია მარცვლეულის მიწოდებასთან დაკავშირებით ნათელია: უსაფრთხოება უპირველეს ყოვლისა. რუსეთი ბაზრის ხელში ჩასაგდებად დაბრკოლებებს ხელოვნურად ქმნის და ევროპას სურსათის ნაკლებობასთან დაკავშირებით აშანტაჟებს", - წერს უკრაინის ეროვნული უსაფრთხოებისა და თავდაცვის საბჭოს მდივანი ალექსეი დანილოვი.
ამასთან, თურქეთისა და რუსეთის საგარეო საქმეთა მინისტრები ანკარაში ერთმანეთს შეხვდნენ, რათა უკრაინის მარცვლეულის ექსპორტის აღდგენის საკითხები განიხილონ.