კახა კალაძე - ჩვენი ქალაქი იქნება ყველაზე გამწვანებული, ყველაზე მოწესრიგებული - ეს ვიცით, გულს გიხეთქავთ ოპოზიციის წარმომადგენლებს - რამდენიც არ უნდა იხტუნაოთ, არაფერი გამოგივათ!
თბილისის მერის კახა კალაძის განცხადებით, ქვეყნის აღმშენებლობას და განვითარებას ხელს ვერაფერი შეუშლის.
როგორც კალაძემ ჟურნალისტებს განუცხადა, რამდენიც არ უნდა ეცადონ ოპოზიციის წარმომადგენლები, რომ დედაქალაქის განვითარებას ხელი შეუშალონ, მაინც არაფერი გამოუვათ.
"ქალაქში სარეაბილიტაციო სამუშაოების დროს ყოველთვის გამოყენებული იქნება საუკეთესო მასალები, საუკეთესო კომპანიებისგან იმიტომ, რომ ჩვენი ქალაქი იქნება ევროპული დონის ქალაქი. ჩვენი ქალაქი იქნება ყველაზე გამწვანებული, ყველაზე მოწესრიგებული საგზაო ინფრასტრუქტურით, ყველაზე მოწესრიგებული საზოგადოებრივი ტრანსპორტით. ეს ვიცით, გულს გიხეთქავთ ოპოზიციის წარმომადგენლებს, ეს ასე იქნება, რადგან ჩვენი დაპირებაა. ქვეყნის აღმშენებლობას, განვითარებას, რამდენიც არ უნდა იხტუნაოთ, რამდენიც არ უნდა ეცადოთ, ხელი შეუშალოთ ქვეყნის განვითარებას, სიმშვიდეს, ეკონომიკურ წინსვლას, არაფერი გამოგივათ!"-განუცხადა კალაძემ ჟურნალისტებს.
