ანა ბუჩუკური შალვა პაპუაშვილს - შეგიძლიათ აპარატის თანამშრომლებს ჰკითხოთ, თუ რას ფიქრობენ ამ მოწვევის პარლამენტის საქმიანობის ხარისხზე, განსაკუთრებით, როცა საქმე ეხება საზედამხედველო ფუნქციას

შეგიძლიათ აპარატის თანამშრომლებს ჰკითხოთ, თუ რას ფიქრობენ ამ მოწვევის პარლამენტის საქმიანობის ხარისხზე, განსაკუთრებით, როცა საქმე ეხება საზედამხედველო ფუნქციას, - ასე მიმართა პარტია "საქართველოსთვის" წევრმა და დეპუტატმა ანა ბუჩუკურმა პარლამენტის თავმჯდომარეს, შალვა პაპუაშვილს, რომელიც პარლამენტში ყოველწლიური მოხსენებით გამოდის.

ბუჩუკურის განცხადებით, პარლამენტის საზედამხედველო ფუნქცია იმდენად დასუსტებულია, რომ პრემიერ- მინისტრის აპარატმა პასუხი 322 დღის დაგვიანებით გამოაგზავნა, მხოლოდ მას შემდეგ, რაც თემით მედია დაინტერესდა.

"მინდა შევეხო ამ პარლამენტის აბსოლუტურად მოშლილ და დასუსტებულ საზედამხედველო ფუნქციას. ეს არ არის მხოლოდ ჩემი ერთი დეპუტატის შეფასება, შეგიძლიათ ჰკითხოთ აპარატის თანამშრომლებს, თუ რას ფიქრობენ ამ მოწვევის პარლამენტის საქმიანობის ხარისხზე, განსაკუთრებით, როცა საქმე ეხება საზედამხედველო ფუნქციას. ყველაზე მწვავე პრობლემა ეს არის - პარლამენტის წევრის კითხვების სრული იგნორი, მათ შორის, განსაკუთრებულად ურჩია პრემიერ-მინისტრი, რომელიც სამწუხაროდ აქ არ არის, თორემ მასაც ვკითხავდი ამას. მაგალითად, 322 დღის დაგვიანებულ წერილზე პასუხი ინება და გასცა მხოლოდ მას შემდეგ, რაც ერთ-ერთი ჩვენი საპარლამენტო ჟურნალისტი დაინტერესდა ამ თემით, სიუჟეტი მოამზადა და კიდევ ერთხელ მინდა ამ ჟურნალისტს მადლობა გადავუხადო. ამის შემდეგ მე მივმართე საპროცედურო კომიტეტს, მაგრამ ამის გარეშეა ის ვალდებული, რომ კონსტიტუციის მოთხოვნა შეასრულოს, თუმცა, აქაც დაარღვია კონსტიტუცია და თავად არ გასცა პასუხი დეპუტატის შეკითხვას, არამედ გააცემინა აპარატის ოფისის თანამშრომელს" - განაცხადა ანა ბუჩუკურმა.

დეპუტატმა პარლამენტის თავმჯდომარეს მოუწოდა, რომ ყურადღება მიაქციოს მთავრობის წევრების მიერ კონსტიტუციის მოთხოვნების შესრულებას.

"ჩემი მოწოდება იქნება თქვენს მიმართ და თხოვნა, რომ განსაკუთრებული ყურადღება მიაქციოთ მთავრობის წევრების მიერ კონსტიტუციის მოთხოვნების შესრულებას, მოგეხსენებათ, ეს არის იმპიჩმენტის დაწყების ერთ-ერთი საფუძველი. მეორე ძალიან დიდი პრობლემა ეს არის, არათუ დაგვიანებული არამედ საერთოდ დაიგნორებული კანონპროექტები. კანონპროექტები, რომლებიც ერთი წლის წინ წარვადგინეთ, მაგრამ ამ დარბაზამდე არ მოსულა, ანუ არც კი დაწყებულა კომიტეტების მიერ მათი განხილვა, მიუხედავად იმისა, რომ ტექნიკური თვალსაზრისით, აპარატმა დადებითი დასკვნები დადო თითოეულ კანონპროექტზე. ამაზეც მოგიწოდებთ, რომ ყურადღება გაამახვილოთ", - განაცხადა ბუჩუკურმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა