დღეს, პარლამენტში „ლელოს“ საპარლამენტო გუნდის ორგანიზებით იმართება შეხვედრა დიპლომატიური კორპუსის წარმომადგენლებთან. „ლელოს“ ინფორმაციით, შეხვედრას „ლელოს“ გენერალური მდივანი ბადრი ჯაფარიძე, საპარლამენტო გუნდიდან დავით უსუფაშვილი, სალომე სამადაშვილი, ანა ნაცვლიშვილი, ასევე პარტიის საგარეო მდივანი გრიგოლ გეგელია და სხვა წარმომადგენლები ესწრებიან.

„ლელოს" ლიდერები ევროპის ქვეყნების ელჩებთან განიხილავენ საქართველოს საკითხს ევროკავშირის კანიდატი წევრობის, შევსებული კითხვარის და პერსპექტივების შესახებ. საქართველოს წინაშე არსებული გამოწვევების და "ლელოს" მიერ გაწეული სამუშაოების ირგვლივ ევროინტეგრაციის მიმართულებით. შეხვედრას ესწრებიან ნიდერლანდების, საფრანგეთის, იტალიის, გერმანიის, ავსტრიის, პოლონეთის ელჩები. შეხვედრას ასევე ესწრებოდა იაპონიის საელჩოს წარმომადგენლები“, - ნათქვამია ინფორმაციაში.